英籍IS

英籍IS 問題-幾時可以解決

據報,喺伊拉克摩蘇爾對伊拉克軍進行自殺式炸彈襲擊嘅,係一名 英籍IS ,叫Ronald Fiddler,呢條友簡直係恐怖分子常客,2001年去過巴基斯坦幫塔利班做恐怖分子,2002年被美軍送去古巴關塔那摩基地,跟住因英籍緣故遣送回國,2014年又去敘利亞做恐怖分子,家人去敘利亞勸佢回國都無用,結果今年,呢位 英籍IS 求仁得仁。

英國政府對 英籍IS 束手無策

Ronald Fiddler唔係果啲嚟自印巴嘅IS,果啲 英籍IS 佢地變咗IS係有得解,因為可能涉及英國嘅種族歧視問題,因挫折而信錯IS或者塔利班。但 Ronald Fiddler本來係牙買加人,牙買加邊度嚟回教,1992年信回教,1994年名都改埋,佢係做web designer,佢前妻係澳洲前參議員個女,大好生活,但2001年到2017年,十幾年人生浪費喺回教聖戰果度。

呢啲人,如果喺新加坡,就有得解,一定用Internal Security Act無法院手令下拘留,但拘留期間,搵回教宗教師去糾正佢嘅信仰,糾正完至俾佢返社會,並持續監察(限制令,Restriction Order),完全無威脅至算。但英美嘅處理手法係,喺古巴關塔那摩,有問塔利班嘅情報,試圖想控告佢,但無派過任何回教宗教專家去糾正佢啲黐線信仰。無糾正信仰嘅結果其實係好清楚,就係條友一路執迷落去,2014年就返去幫IS,直到佢變炸彈人死咗為止。

其實英國依家有個問題,一直係喺反恐問題上忽略咗,就係果啲自我激進化果啲信回教信到short咗嘅人,果啲友仔係最危險,唔少 英籍IS 係白人嚟,果啲白人好多出身良好家庭,甚至成績好好,但信錯咗就係信錯咗,英國反恐係走一條捉人嘅路,但無諗過要糾正偏差宗教觀念一樣重要。但咁耐以嚟,暫時得新加坡係試圖解決呢個問題。

當然,有人會認為ISA嘅Restriction Order係太辣,但新加坡近十年Restriction Order發出嘅目的,其實都係費時有人仍然未清醒果陣亂咁嚟,呢頭放人,果頭又返去做恐怖分子遺禍人間。恐怖主義,其實係思想問題,宗教輔導往往係好重要嘅反恐武器,但太多人忽略呢方面嘅重要性。

One thought on “英籍IS 問題-幾時可以解決

  1. ISA主要既問題係冇法院counter check。
    其實可以修例要求政府拉人後限期交畀法官申請延長拘留、並定時覆核,以新加坡的狀況,法官應該唔會輕易放人。而保密方面亦可以規定閉門聆訊。只靠政府自己的委員會就可以決定無限期拘留係太過了。

發表迴響

你的電子郵件位址並不會被公開。 必要欄位標記為 *