梁國雄-棄選-

梁國雄 你都係唔好繼續打特首戰

雖然泛民係唔識做傲嬌黨,但隨住中聯辦嘅干預越嚟越離譜,教協、法律界、高教界、中醫界,都陸續宣布將提名倒俾曾俊華,以及胡國興。依家 梁國雄 ,仲係in the middle of nowhere,同啲左膠浪費時間同光陰,去打所謂特首戰。

如果我係 梁國雄 ,我寧願依家就盡量為DQ戰做眾籌,甚至將DQ戰眾籌涵蓋埋游蕙禎同梁頌恆,將呢個月輸嘅政治光環贏返番返嚟,保留番你作為長期民主鬥士嘅光榮。

梁國雄 你搞錯清主要敵人先

喺面對中共呢個敵人,一定要搞清楚邊個係主要敵人,邊個係次要敵人,如果連主要敵人同次要敵人都搞唔清楚,咁你 梁國雄都係收檔吧喇。依家喺中聯辦玩到連《成報》都恐嚇面對嘅現實係,中聯辦係依家嘅主要敵人,一個遠比曾俊華同胡國興都嚟得危險得多嘅主要敵人,既然係咁,何必將無謂嘅時間、資源浪費喺一個隨時係大家嘅盟友嘅次要敵人身上,好老實講,果個老點 梁國雄 去打呢場浪費子彈戰爭嘅茂利,根本就係喺唔同資本家之間收幾家茶禮嘅政治掮客,你信佢。呢場仗,搞到 梁國雄 折損咗好多光環,同埋政治尊敬,更隨時影響打DQ戰爭,但又唔會真係入到場打小圈子選舉嘅戰爭,而且依家泛民睇清形勢後,亦唔會阻止曾俊華入閘,咁你依家又何苦呢?

其實,我覺得呢件事係可以有下台階, 梁國雄 唔駛同大家證實,邊個茂利幕後支持佢打呢啲無意義嘅戰爭,佢幕後果個,遲早另外有人炮製佢,梁國雄同自決派,可以考慮呢一刻,一係認輸,根據眾籌結果同公民推薦結果,提名俾曾俊華,既然公民支持曾俊華,就應該願賭服輸,一係就以支持民主最大光譜,以及防止有人喺選舉期間玩嘢嘅大前提之下,宣布將 梁國雄 自己以及自決派手上嘅提名票,全部提名俾胡國興。胡國興作為選舉管理委員會長期前主席,喺阻止中聯辦搞選舉舞弊果度,可以扮演積極而有用嘅角色,呢個亦可以令佢地唔駛違背喺lesser evil論戰期間果啲講得太盡嘅說話,挽回番你地呢啲政界中人嘅面子。

我一向尊重長毛,亦因為咁,所以我連下台階都諗埋,毛哥,你真係認真度度佢。

發表迴響

你的電子郵件位址並不會被公開。 必要欄位標記為 *