成報

成報 被大規模恐嚇:江系狗急跳牆

由去年國會選舉到依家, 成報 一直企喺對抗梁振英同張曉明嘅最前線,亦係少數一早收到風梁振英會落台嘅媒體。隨住曾俊華獲泛民支持入閘機會越嚟越大,同埋林鄭月娥嘅民望一直都救唔起,無法用律師信對付嘅 成報 ,終於遇上hacker攻擊加黑道。呢幾日遇上強勁DDoS攻擊,nginx一般可以頂到50000個線程同步連接,反映有人立心玩殘 成報 。而跟蹤,同恐嚇大字報,用到回鄉證上證件相,更加可以反映到啲料嚟自邊度,除咗統監府,無其他機構攞到呢啲料。

江系狗急嚇牆搞 成報 嘅原因

其實,如果林鄭月娥啲飛真係夠穩嘅話,無必要搞 成報 ,因為咁搞 成報 , 成報 一定尋求群眾支持,咁樣只會令梁振英同張曉明個朵更臭,喺人大政協會議之前,中共十九大嘅初稿要出果陣搞啲咁嘅嘢,要送死都唔係咁送。但梁振英同張曉明面對以下形勢,狗急跳牆之下,就乜怪事都可能發生。

  1. 曾俊華隨住李嘉誠宣布不提名,但投票嘅政策,以及泛民教育界、高等教育界、法律界、IT界等多個界別陸續送上提名,入閘機會好大,林鄭月娥好可能成為無民望,但贏小圈子選舉嘅特首,屆時根本管唔落去,甚至陰溝裡翻船,曾俊華突擊跑出都唔出奇
  2. 一直幫張曉明同梁振英操盤嘅劉夢熊即將出獄,劉夢熊喺下月嘅關鍵時間爆大鑊,大把人跳海都唔掂,而 成報 好大機會係劉夢熊嘅爆料平台
  3. 曾蔭權案不單未有引發香港人對曾蔭權嘅反感,相反,香港有唔少人都同情曾蔭權,同埋好多求情信,都揭露咗曾蔭權做特首果陣有盡力捍衛香港利益,呢個令香港人更加憎惡統監府,以及與統監府關連嘅人馬

正由於特首爭霸戰去到關鍵階段,所以喺呢啲保衛政權嘅關鍵時刻,梁振英同張曉明係乜都做得出,依家DDoS 成報 同埋恐嚇成報員工,只係第一步,相信更賤嘅招數,正陸續有嚟,而 成報 未必放到料,唔代表習系無晒放料機器,因為法輪功旗下嘅大紀元時報,依家好明顯係同習系以及成報同一陣線,黑客要對付大紀元並唔容易,因為大紀元嘅保安水平,已經係業界嘅高手,唔係你想隊冧佢就隊冧佢,更何況得罪法輪功,未必有著數。依家 成報 被恐嚇,只係序幕,今年特首選舉嘅污糟程度,唔會輸得過梁振英成功奪權果年。對付中聯辦呢班hihi,係需要有鋼鐵嘅意志,以及有滿手鮮血嘅心理準備,因為你仁慈,等於對自己殘忍。

發表迴響

你的電子郵件位址並不會被公開。 必要欄位標記為 *