西九文化區

西九文化區 管治睇林鄭月娥嘅問題

西九文化區 由於超支成一百一七億,問立法會攞撥款,結果當然被泛民議員鬧到一面屁。郭家麒醫生(新界西選區,公民黨)嘅評論話係騙局,係唔係騙局我唔知,但由 西九文化區 玩到超支一百一七億嚟睇,其實睇到林鄭月娥管治嘅問題。如果 西九文化區 係香港未來縮影嘅話,林鄭月娥上台後係乜世界,其實大家唔難睇得到。

西九文化區 管治反映林鄭月娥能力

  1. 如果林鄭月娥真係咁打得, 西九文化區 嘅建築成本控制應該要做得好,無理由超支一百一十七億咁多,證明林鄭月娥嘅cost control能力,以至cash inflow managament都好差,同曾俊華嘅cost control能力,以至cash inflow management能力係一個反比。無論係公司係政府,都係寧願高估成本,低估收入,好過高估收入,低估成本,林鄭月娥理財得唔得,由 西九文化區 交上嚟嘅帳簿嚟睇,林鄭月娥嘅公共財政能力令人擔心。如果我係林鄭月娥嘅對手,一定會好好研究 西九文化區 嘅帳目。
  2. 我成日都話,林鄭月娥係低能到分贓都唔識,其實依家 西九文化區 上立法會攞錢被人鬧到一面屁,都係同林鄭月娥唔識分贓有關。曾蔭權年代,係會將類似 西九文化區 之類法定組織董事席位分俾泛民,理由好簡單,當泛民都係呢個game一部分果陣,有乜嘢都會喺董事局裡面搞掂,唔會攞上嚟議會嘈,呢個只不過係英國人行政吸納政治嘅智慧嚟。但你睇依家 西九文化區 啲董事,全部都係梁粉嚟,你覺得泛民有乜理由要同你份垃圾財政要求保駕護航。如果係醒嘅,委任陳淑莊大律師(香港島選區,公民黨)做 西九文化區 嘅董事,成件事已經好睇好多。雖然陳淑莊好大機會都係監察唔到乜嘢,但陳淑莊係表演藝術出身,出師有名,呢啲唔叫公關,呢啲就係政治。呢樣嘢,彭定康勳爵同曾蔭權爵士都係玩得叻嘅

一個講得出官到無求膽自大嘅狂妄說話嘅官員,管 西九文化區 管理一鑊粥係正常,而我相信,如果 林鄭月娥 做特首,由 西九文化區 嘅狀況嚟睇,政府繼續被人玩殘,公共財政陷入崩潰,幾乎係肯定嘅。如果林鄭月娥做特首,大家都係快啲renew你本BNO或者任何非特區嘅護照吧喇。

發表迴響

你的電子郵件位址並不會被公開。 必要欄位標記為 *