王光亞

邊個做特首關 王光亞 叉事?

喺林鄭月娥根本無民望果陣,明顯有江系連繫嘅香港01再出招,招湯家驊見過 王光亞 ,王光亞話信唔過曾俊華會捍衛一國兩制,所以唔會支持曾俊華喎。

香港01引 王光亞 嘅言論,又涉及湯家驊,有幾點真係值得大家注意。

王光亞 係江系人馬嚟

  1. 首先,湯家驊肯定係投咗共,仲要呢條友走去支持林鄭月娥。依家江湖傳聞,袁國強應該係無得留低,如果湯家驊做律政司司長,一定仆街好多。黃仁龍有堅持,加上無把柄揸喺老共手,所以可以盡力捍衛法治(剛果案係人大常委亂釋法,但程序上,由終審法院自己提請釋法,procedure上係無錯嘅),湯家驊?我真係十分之擔心。一方面,條友突然投共嘅原因,大家其實係知嘅,只不過費時講,但以湯家驊嘅段數,佢嚟做律政司司長,真係死得比依家仲甘。袁國強係商業糾紛專家,但唔係刑事,而湯家驊係識打刑事架。
  2. 王光亞 依家明顯係江系人馬嚟,搵個擺明支持林鄭月娥嘅湯家驊放風,跟住香港01嘅資金背景,又同肖建華班友有關,咁大家知道乜嘢事。簡單嚟講,江系就係打緊茅波。根據《基本法》22條,香港特首選舉係香港內部事務,關港澳辦班友叉事,係連中聯辦張曉明都唔應該關事,更何況遠在北京嘅國務院港澳辦。呢個部門,唔應該對香港特首人選有決定權。(講真連習近平都唔應該有決定權囉,唔係說好了嘅港人治港咩)。
  3. 只不過,以依家林鄭月娥選情嚟睇,江系啲茅招會越嚟越多,喺保證到曾俊華入閘前提下俾胡國興入閘,我覺得係有必要,因為胡國興係做過選管會主席,佢可以壓得住選管會班友唔好玩嘢,我相當擔心選管會或選舉事務處有人會玩嘢,而要壓得住場,唯一方法可能係俾埋胡國興入閘。泛民係要做傲嬌黨,但俾薯片同胡官同時入去同林鄭月娥砌過呢個戰略目標都要達到,如果做傲嬌做到薯片入唔到,除非我們識變魔術,否則泛民嘅選委喺條街度被人分屍都唔掂。
  4. 我呼籲自決派,寧願提名胡官,都咪咁硬膠射票俾長毛。長毛後面果條友,係應該為曾蔭權落得入獄下場負責果條友嚟,你信果條仆街?唔係嘛。我只能講,果條友累完一個朋友又累一個朋友晚節不保,呢啲真係乜嘢人嚟㗎。

發表迴響

你的電子郵件位址並不會被公開。 必要欄位標記為 *