崇光百貨-min

賊過興兵 崇光百貨 門口的士繼續塞住巴士站

伍婉婷議員搞出一鑊粥,搞到巴士按章工作﹐仲要呢次得到資方同市民全力支持,民意之下,2月20日香港警察派咗人去 崇光百貨 門口掃蕩啲霸站的士佬,以為咁樣政府可以過骨。

你估依家楊雪盈議員(大坑選區,灣仔好日誌)係以前啲泛民議員,可以縱容果啲賊過興兵嘅情況,去到晚上,無晒差人,楊雪盈議員透過facebook直播,死灰復燃,根本無用。

崇光百貨 門口巴士站唯有劃成雙黃線

大家要睇實況,可以睇以下片段。

政府乜以為市民好似以前咁頹,咁都可以收貨,依家網民對事件有公憤,加上依家新一代泛民議員,會善用facebook live呢項工具全力監察,連曾俊華都識得喺渣打馬拉松做live,係伍婉婷呢啲堅離地梁粉,out到同林鄭月娥一樣,以為無人用live嚟監察,基本上,一死灰復燃,市民會知,司機會通傳,議員會話俾全世界知,依家政府所謂嘅公關騷,除咗勉強幫伍婉婷死撐之外,一啲用處都無。如果唔係果晚曾蔭權爵士還柙,大家注意力放咗喺曾爵士度,相信伍婉婷仍然係全香港嘅炮轟對象。

要暫時解決呢個的士佬霸佔巴士站嘅問題,依家可以做係,除咗加強派黃腳鱲執法,向的士佬派牛肉乾,至少24×7派足一個月之外,好可能政府為平息民憤,要暫時將香港主要巴士站,特別多人用果啲巴士站,例如 崇光百貨 門口8P站,彌敦道星際外面嘅118站等劃為雙黃線,並且加強執法,掃蕩果啲不知好歹嘅的士佬,甚至部分不知好歹嘅紅van佬。紅van佬霸巴士站嚟搶生意,呢種擾民手法係全世界都知。

依家大家就睇政府同伍婉婷想點,一個咁簡單嘅問題都可以搞出公憤,證明梁振英政府有幾廢。大家都可以預期,如果林鄭月娥上台呢,呢班廢到無倫嘅梁粉一定繼續張牙舞爪,甚至面不改容幫的士佬辯護,如果搞到有人等巴士都等到暴動,我唔會覺得好意外,依家都等巴士都等出個硬膠出嚟。日本都膠到試過國鐵暴動,如果香港最後因為好似伍婉婷呢啲咁嘅白痴,搞出巴士暴動,呢班白痴嘅所作所為,一定寫入人類管治白痴史嘅新一章。

發表迴響

你的電子郵件位址並不會被公開。 必要欄位標記為 *