藍橘子-min

藍橘子 話俾大家聽嘅事實:天下間無免費內容

藍橘子 接受蘋果日報訪問,回應佢最主要收入果陣,佢話依家主要收入係廣告,唔係版稅,因為版稅太少,只夠食一餐飯。

其實香港嘅畸形版稅結構,再加上依家香港書店俾中聯辦控制嘅機構壟斷,令我同 藍橘子 一樣放棄版稅諗法。甚至你叫我出實體書,都係怕怕,靠係廣告、捐款同賣收費內容。

藍橘子 以至好多作家點解收版稅收咁少

其實印實體書係好貴嘅一件事,通常印一本書,連排版,印刷費,每本成本至少廿蚊,仲要你至少要印一千本,但香港好多書,銷量都無一千本,連印刷成本都未收番,仲講乜嘢俾版稅。仲要好淒涼嘅一件事係,香港依家最大嘅書局,就係中聯辦控制嘅商務、三聯同中華,你係唔係諗住入去買書俾張曉明賺。二樓書店,好多都租金昂貴下艱苦經營。所以,要靠實體書賺版稅,唔可能。實體傳媒啲稿費,依家嚟講都係多除少補嘅有限錢。

當然,我暫時做唔到啲「特約轉載」之類贊助內容,因為我個page同呢度咁hard core嘅政治時事,以香港商界果種保守,點會敢指明落廣告,所以呢度嘅廣告,都係programatic 嘅廣告,即係Google Adsense以及Faccebook Audience Network亦係咁解(想join埋Yahoo Gemini,但個adbuilder program好膠,我完全用唔掂),如果要賣內容,依家果啲paywall,其實行政成本好貴,因為我依家都未起一個自動membership system,我自己人手處理paywall,再加保安審查,實際上係做到阻止啲人亂share內容,多過真係收錢,要收錢就唔會咁賣法,做到自己傻。

天下間係無免費內容,所以有見到有膠人問我,點解問人捐錢(我最近喺伍婉婷事件啲post,有見巴膠咁問),我會問一句:Server錢你俾,查冊錢你俾呀?香港仲有人以為寫內容啲人係煉仙,唔駛食唔駛住,可以無限時間無限能源產生啲內容出嚟。唔想俾錢,咪容忍廣告當係大商界代俾錢,想俾錢就多多益善。

下一步,我都會考慮Amazon Kindle 電子書,一定好過實體書,我對同三中商打交道一啲興趣都無。

發表迴響

你的電子郵件位址並不會被公開。 必要欄位標記為 *