伍婉婷

伍婉婷 歪論錄音連逐字記錄(三)

伍婉婷 喺2017年2月14日嘅會議,就銅鑼灣崇光門口8P站埋站問題,發言咗三次,呢次逐字記錄,係最後一段發言,為時一分鐘,但呢段發言,正正引發今日嘅「超合作事件」,如果 伍婉婷 仲想抵賴嘅話,佢都不愧為梁粉檔檔主,連唔認數呢家嘢都同梁振英一模一樣。

伍婉婷 叫警方執法證據確鑿

講番市民安危果樣嘢,其實責任亦都喺巴士公司上面,如果個司機,堅持埋到站先上落客嘅話,就唔會要市民穿過兩條三條嘅行車線出去上車,呢個係唔係運輸署都可以幫到手呢? 我對於當區市民意見漠視咗其他使用者生命安全呢個潛台詞,我十分之不認同,因為呢個實際上,涉及不同持份者諮詢,喺區裡面,除咗對居民,仲要對區內不同持份者,包括來到享用區內設施各區市民,呢個生命安危擺在第一。但同時保障生命嘅方法,要用正確嘅方法

歪理連篇到呢個程度,簡直大開眼界,依家係邊個令巴士司機無法喺法例劃定嘅巴士上落客區泊定?係果啲無權使用巴士站上落客嘅的士,呢啲的士代表乜嘢持份者,令運輸署同警方要聽你 伍婉婷 小姐講,搞到妹仔大過主人婆,仲要連累其他區嘅巴士司機,都被警方無理抄牌? 伍婉婷 三節發言,目的都係想搬走崇光門口嘅巴士站,變成的士上落客區,唔通東角中心醫生樓嘅病人,崇光百貨嘅契丹遊客,以及的士收站頭入線費班友嘅利益,重要過軒尼詩道以及怡和街其他道路使用者嘅利益, 伍婉婷 根本係濫用佢區議員嘅身份,作為特定利益集團嘅說客,我相信銅鑼灣選區嘅居民,根本唔會贊成啲的士咁樣霸佔崇光門口一帶。

呢次事件搞出個大頭佛, 伍婉婷 除咗要道歉,係應該要辭去佢區議員嘅職務,因為佢喺2月14日會議上嘅三節言論,儼如的士界以至收入線費班友嘅說客,置公眾利益於不顧,公帑以及選民嘅授權,係授權你用你區議員身份做呢啲嘢㗎?一個喺會議上,自己係議員定係的士說客嘅身份都搞唔清楚嘅人,乜有資格做議員? 伍婉婷 應該辭去一切公職,包括區議會議員,以及吸煙及健康委員會副主席,香港市民並唔想再因呢個人一己之利,搞到一鑊泡。

發表迴響

你的電子郵件位址並不會被公開。 必要欄位標記為 *