伍婉婷-怡和街-2

伍婉婷 歪論錄音連逐字記錄(二)

伍婉婷 幫的士佬講嘢嘅歪理錄音連逐字記錄,我已經放咗第一段,第一段已經好歪理,但第二段一樣好歪理,乜嘢叫的士佬大晒,就係等陣 伍婉婷 講果啲。

伍婉婷 唔記得呢個世界有電車

陳生呀,咁複雜嘅問題,下次都係交俾楊小姐去答喇,答完你即係話俾我聽,你唔準備做嘢囉,崇光百貨門口六枝站柱,其實都處理唔到分流架,因為實際上係好密集,你都識講,銅鑼灣係商住區,商業活動好頻繁,好多人嚟嘅,相反,香港大廈對出,即係你地講嘅百德新街站,其實果個位係相對疏落,崇光百貨門口果啲站仍然有空間搬去香港大廈嘅,我上得文件上會就係想你諗喇,諗都唔諗就上嚟同我say no,然後就話都繼續歡迎議員有意見嘅,意見俾咗你,跟住你話唔做,跟住我再俾意見又有乜嘢意思呢?剛才都有講到,即上即落即走果個policy,除咗靠執法部門勸論以外,會唔會你地都有啲大型啲指示牌喺度,甚至乎有banner喺埋喺內欄,可以俾市民睇到果度真係唔可以排的士喺度,大家都有個阻嚇作用喺度,唔單止揸的士,上的士果個都有awareness喺度,原來果度唔俾咁樣停車。我諗果個位置,係無上客落客之分,嚟到果個位置,都係銅鑼灣落嘅,雖然我們話以鐵路為主要幹道,但係當你喺一啲繁忙時間,被迫落地鐵站行咁遠嘅樓梯,迫幾班都上唔到車,就算住東區都寧願上巴士,所以果個位都唔係主要集中落客點嚟,我唔認為因為果度係落客位,唔駛劃排隊線喺度,目前亦都有啲排隊線已經模糊咗,我希望署方同埋營運商,可以就住呢個處理再作檢討,我唔認為,做咗兩輪諮詢之後,可以完全漠視市民嘅意見,去強行執行,但係呢,有咁大需要下,部門要更積極處理呢個問題

首先, 伍婉婷 有好大嘅官威,你聽佢斥責運輸署嘅官員,你以為佢做咗運輸署署長。

伍婉婷 好明顯平日都無點落區,點解多人流嘅巴士,包括5B、8P全部停崇光百貨門口,因為上客耐,而以行車線而言,崇光百貨對開一段軒尼詩道,仲可以用埋電車路,係三線,但香港大廈對開係兩線。

反之,香港大廈外面嘅怡和街比較窄,其實呢件事,一用google streetview就好易理解得到

伍婉婷-怡和街-1
伍婉婷-怡和街-1

以上係香港大廈對開嘅怡和街

伍婉婷-怡和街-2
伍婉婷-怡和街-2

以上係崇光百貨門口嘅軒尼詩道

用相睇一睇就明喇, 伍婉婷 幫的士佬都幫得太明目張膽,有啲事唔係咁做,呢啲係完全漠視其他道路使用者權益,無恥至極。喺四點左右, 放埋第三段,亦係最重要一段嘅逐字紀錄。

發表迴響

你的電子郵件位址並不會被公開。 必要欄位標記為 *