伍婉婷-塞車

伍婉婷 包庇的士嘅建議係一啲道理都無

伍婉婷 為咗包庇霸住軒尼道詩崇光門口8P巴士站啲的士,叫警察針對巴士執法,結果引發巴士司機按章工作,早上紅隧塞爆,真係多謝 伍婉婷 ,而且返工時間未係最大考驗,放工時間都未知會唔會港島困獸鬥。

只不過,對銅鑼灣一帶地理有啲了解,都唔會認為 伍婉婷 嘅建議有任何道理可言。

伍婉婷 當香港人係傻嘅

伍婉婷 喺2月14日嘅灣仔區議會委員會會議上,話要俾啲的士霸住8P站,因為要方便啲由港鐵站去私家醫院嘅客,特別行動不便果啲。首先,如果行動不便嘅輪椅客,更加應該坐巴士至係,因為依家港島嘅巴士,絕大部分都係方便輪椅上落,反而的士唔見得好方便輪椅上落,我唔知 伍婉婷 係唔係太富貴,無需要搭巴士,所以唔知香港巴士已經大致上低地台化,除咗極少數嘅歐盟一期或前期嘅車,其他都低地台晒。

如果行動不便,咁唔會用向軒尼詩道果邊嘅出入口,因為果啲係樓梯出入口嚟,依家大部分輪椅客出入銅鑼灣站,都係用駱克道果邊嘅輪椅電梯出入口,如果我係坐輪椅嘅,要搵的士站,大家睇地圖比照合法的士站位置,你只會覺得穿越崇光百貨去8P巴士站截的士係傻的嗎嘅行為。

伍婉婷-塞車
伍婉婷-塞車

咁點解 伍婉婷 會可以咁無邏輯,攞養和、聖保祿啲病人過橋,都要保住的士佬非法使用8P巴士站,因為果個位,實際serve兩類客

  1. 我喺果度,見得最多其實係喺崇光買咗勁多嘢啲自由行旅客,果啲友仔截的士從來唔睇乜叫禁區嘅,亦唔肯行多兩步路去電業城花旗銀行門口截的士, 伍婉婷 寧願照顧一班盲嘅自由行,都唔肯顧住巴士乘客利益。
  2. 的士佬另一個要喺果度長期霸佔巴士站嘅原因,喺崇光百貨關門大吉之後,主要係搏你班友坐泥鯭的同埋深夜巴士,果啲每人廿蚊位,然後超載果啲泥鯭的,要做果隻的,係一定要俾入線費,唔知 伍婉婷 議員自己坐過未,定係明知有呢啲非法業務存在,都仲要立心包庇呀。

楊雪盈議員(大坑選區,灣仔好日誌)要求政府正視的士佬霸佔巴士站嘅行為,非常正確,因為果啲的士,霸佔巴士站係荒謬無稽至極, 伍婉婷 唯一可以做,係向公眾道歉,甚至辭去議席,如果用失職區議員嚟形容伍婉婷都應該無大錯。

發表迴響

你的電子郵件位址並不會被公開。 必要欄位標記為 *