伍婉婷-錄音

伍婉婷 歪論錄音連逐字記錄(一)

伍婉婷 喺灣仔區議會嘅歪論,搞到巴士司機被抄牌,搞到今日玩超合作運作,因而天下大亂,呢個 伍婉婷 喺2月14日嘅會議,有好多歪理,呢啲歪理係必須要錄音連同逐字記錄去分析同擊破,依家我放出會議佢第一段兩分鐘發言嘅逐字紀錄。(因區議會會議政府唔會做逐字記錄,唯有市民自己郁手)

伍婉婷 幾時做咗的士佬代表?

多謝主席,兩張paper合併討論係有個必要性,第一,剛才雪盈提果個情況實際上都持續咗好長一段時間,但亦都面對一個兩難,運輸署做過兩輪公眾諮詢,就果個位置可唔可以做全面嘅禁區,甚至曾經試過擺水馬喺度,嘗試做一個測試,我諗運輸署可以解答一吓,我諗係果個收到社區迴響好大,唔單係我區內嘅居民,亦都因為果度有個醫生樓,有一啲長者係行便不動嘅,喺果度睇完醫生,佢地要好快有個地方可以上到車,果啲亦唔係可以搭到巴士。有一啲咁嘅意見返咗嚟。咁可唔可以同步請運輸署同警方,都係多啲注意,執法當然係一個,第二係along成個怡和街東行線,巴士站同小巴站情況都唔係太理想,比較集中喺崇光百貨門口,其實果度巴士線太多,沿住香港大廈,甚至過咗波斯富街一帶路口,係唔係可以唔係只集中喺崇光百貨門口,巴士站,小巴站,同埋有個清晰啲嘅分流,其實依家有一啲市民覺得,過去由我讀書嘅年代到依家,擒日巴士站喺呢度,今日已經搬咗去後面,其實有啲時候睇,有啲過海係唔係可以集中同一個位置,依家部分位置有做到嘅,但崇光百貨門口實際上負荷亦都太重,是否同步考慮唔單個位置,是否容許的士小巴上落客,執法要加強,站頭佈置可唔可以重新規劃。

呢段錄音字提及嘅醫生樓,係東角大廈醫生樓,崇光果座大廈office嘅部分,係有堆貴價私家醫務所,果啲行動不便人士,唔係唔搭巴士,巴士其實更適合,我講咗好耐,而係呢班富貴人士稍移玉步去電業城門口都懶,係要巴士站門口揮手,呢個唔係理由嚟。

同埋 伍婉婷 成日發言,根本係想趕巴士過維園道,或者禮頓道,等的士可以喺軒尼詩道玩晒佢,維園道果啲行人過路設施配套嚴重不足,搞巴士站死硬,同埋好多巴士線根本唔啱路,而禮頓道,除非啲巴士改晒行大道東,否則係做唔到,係唔係 伍婉婷 想玩死成個軒尼詩道沿線居民。依家嘅巴士站安排,幾乎係局限條件下最好,反過嚟,軒尼詩道同怡和街東行根本應該全面的士禁區,係的士不得駛入就差唔多,幫的士佬唔駛幫到咁出面嘛。

晏少少,我放第二段錄音連逐字記錄。

One thought on “伍婉婷 歪論錄音連逐字記錄(一)

  1. 不知道伍議員是否希望一大堆巴士路線用波斯富街由軒尼詩道入禮頓道,單是2A 2X 8 8P這幾條東區路線經已可以大幅度加重禮頓道的負荷。

發表迴響

你的電子郵件位址並不會被公開。 必要欄位標記為 *