伍婉婷-1-min

伍婉婷 唔係民建聯成員,不過佢間公司幫民建聯做民調啫

伍婉婷 為保崇光門口霸佔巴士站啲的士嘅利益,竟然叫警察去抄巴士牌,引發巴士司機公憤,要搞按章工作,相信呢條友今日一日喺網上收到嘅粗口,係佢成世人粗口嘅總和。巴士司機叫人搵民建聯算賬,表面上都幾摸不著頭腦,因為 伍婉婷 係新論壇嘅成員,表面上同民建聯係無關。

如果你咁以為就錯喇,根據我翻查 伍婉婷 喺灣仔區議會嘅個人利益登記冊, 伍婉婷 任職間公司係幫民建聯做電話民調,而 伍婉婷 係間公司嘅高層,你話 伍婉婷同民建聯無關係?真係搵鬼信。

伍婉婷 駿盈數碼 民建聯

根據 伍婉婷 喺灣仔區議會個人利益申報冊嘅申報,佢喺一間Cheer Champion Cyber Limited嘅公司,做director of e-commerce。

伍婉婷-2
伍婉婷-2

呢間公司用Google Search,發現間嘢中文名叫駿盈數碼,只不過,間嘢嘅web-site設計勁頹,如果真係攞嚟做e-commerce,應該執咗十世。

伍婉婷-3
伍婉婷-3

只不過,間嘢一用中文名Search,就呃唔到人,去年民建聯搞嘅本地副學士及高級文憑課程意見調查,青年民建聯搞嘅,喺調查問卷樣本果度,講明係駿盈數碼民意調查中心搞嘅

呢樣叫駿盈數碼民意調查中心嘅機構,經常幫土共組織搞埋啲狗屎垃圾調查,主要都係幫土共張目,或者咁講,平日如果你收到民建聯果啲極具厭惡性嘅電話,好大機會都係呢間駿盈數碼民意調查中心打俾你,換言之, 伍婉婷 未必係民建聯黨員,只不過,民建聯有份養呢位將會喺明天搞到港島交通一鑊泡嘅議員啫

伍婉婷-4
伍婉婷-4

所以,可以咁講,民建聯有無其他議員走去叫差佬抄巴士司機牌,呢個仲有待調查,但只係憑Google以及 伍婉婷 喺灣仔區議會嘅利益申報報告,呢個 伍婉婷 都好明顯係土共養嚟搞民調,泛民班友竟然咁耐以嚟都無人起過佢嘅底出嚟,真係十分之不可思議。所以呢次民建聯,都無乜可能唔駛就 伍婉婷 嘅硬膠建議引發嘅連串連鎖反應負責。

伍婉婷 喺灣仔區議會利益申報果度,只係報佢係受薪僱員,相信仲有更多嘢,需要透過公司註冊處查冊,查冊分析結果,將會明早發表。

2 thoughts on “伍婉婷 唔係民建聯成員,不過佢間公司幫民建聯做民調啫

發表迴響

你的電子郵件位址並不會被公開。 必要欄位標記為 *