伍婉婷

伍婉婷 一件梁粉搞到港島交通大亂

明早,如果各位係搭巴士去港島返工,早啲出門口,同埋記住一件白痴梁粉,灣仔區議會銅鑼灣選區議員 伍婉婷 ,為咗包庇喺崇光百貨門口違例停泊喺巴士站嘅的士司機,竟然叫警方去抄果啲未喺站牌前停車嘅巴士,結果引發專利巴士嘅司機按章工作。依家我寫緊呢篇文嘅時間,新巴8P已經喺銅鑼灣打開一槍,開始按章工作行動。

伍婉婷 為咗梁振英利益包庇違法的士

作為港島居民,我呢次強烈企喺巴士司機呢邊,崇光門口的士佬霸佔巴士站問題由來已久,其實駱克道係有的士站,點解要搭的士嘅人,唔喺駱克道崇光對面個的士站截的士,偏要喺崇光軒尼詩道門口截的士。崇光門口有多個重要巴士站,包括小西灣居民重要幹線8P,講嚟講去都無理由俾的士霸用巴士站。好多時有的士司機故意問小西灣居民坐唔坐泥鯭的,呢啲已經去到違法嘅地步。作為一個負責任嘅區議員, 伍婉婷 唔係應該去掃蕩崇光軒尼詩道一邊巴士站果啲違法的士嘅咩,反而叫警察抄巴士司機牌。以我觀察,崇光門口的士站頭,如果無派片俾黑社會,根本唔可能喺果度等,係唔係同土共政客包庇潮聯一樣,根本係為咗黑幫利益搵食?如果唔係反黑同黑道蛇鼠一窩,我真係想去要求反黑道調查 伍婉婷 ,究竟喺呢個問題上,點解作出以往只會見於台灣黑金政客至會提出嘅建議。

其實我唔明點解2015年泛民唔派人挑戰 伍婉婷 呢個廢人政客,除咗崇光門口的士問題,銅鑼灣駱克道、謝斐道一帶一直老鼠為患,半夜三更坐完數碼港的士都會遇到老鼠亂走,好明顯同啲食肆有關,但 伍婉婷 係完全無處理呢啲問題,究竟呢位議員係為乜人服務?為選民服務,定為啲特定集團服務。如果民主黨好似光復半山東選區嘅做法,以狂打張翼雄律師嘅做法對付 伍婉婷 ,我相信 伍婉婷 好難下屆有得選落去囉。

總之,如果明早港島交通大亂,大家一定要入 伍婉婷 數。要向呢位無理議員反映意見,仲有以下方法, 伍婉婷 唔向巴士司機,同全港島市民道歉,都一如佢個名,唔好俾佢停。

地址 香港銅鑼灣謝斐道506號聯成商業中心1001室
電話 3529 1062
傳真 3005 7609
電郵地址 [email protected]

發表迴響

你的電子郵件位址並不會被公開。 必要欄位標記為 *