七警-判刑

七警 判刑過重?其實用英國標準只係啱啱好

七警 判刑,有啲警員死都唔服氣,認為係過重。其實香港無行英國果隻判刑指引,香港嘅GBH同ABH罪,仍然用緊英國Offences Against the Person Act 1861嘅內容,如果根據英國Sentencing Council嘅判刑指引, 七警 判兩年監禁叫執到,其實判兩年或判足三年都未必有問題。

七警 由GBH 轉入 ABH 本來就要加重嚟判

根據英國Sentencing Council指引,判刑係根據以下九個程序嚟判

  1. 定判刑嘅級別(Category)
  2. 按級別定量刑起點
  3. 考量其他減刑因素,例如協助調查其他罪案
  4. 考量認罪減刑
  5. 案件危險性有無加刑因素
  6. 有無涉及其他犯罪,要同期定分期服刑
  7. 要唔要頒出賠償令俾受害者
  8. 判刑理由
  9. 扣減扣留審判期間被扣留嘅時間

由於呢單嘢本來係GBH轉過嚟,所以本來就計Greater Harm,跟住又拳打腳踢,係被視為 use of weapon equivalent,唔計政治因素,都已經係higher culpability,所以喺英國,係直計Category I嘅ABH,一年半監禁已經係最低消費。跟住,喺英國嚟講,仲有兩個加強嚴重性嘅元素:

  • 濫用權力
  • 經驗證嘅社區影響(大佬,上晒全歐多份報紙同網站頭條)

班友又無認罪,又唔篤灰,如果以Category I ABH一般判刑係,經折扣後一年,最重可以加到三年嚟計,依家兩年,對住一班無悔意、無認罪,無協助調查嘅犯,根本係啱啱好。杜大衛嘅判刑,係符合其他同樣用緊Offences Against the Person Act 1861國家嘅標準。因為身為警員abuse of power,一開始就係罪加一等,唔好講搞到全世界都知你果 七警 亂咁打人。

所以依家仲有警察認為判得太輕,警察應該留意一點,如果你off duty打人,都未必會判夠兩年,因為你私底下打人,有其他factor去求情,例如A greater degree of provocation than normally expected(受比平常預期更大嘅挑畔),或過度自衛,依家你on duty打人喎,大哥,一條abuse of power,你已經玩完。法官一定會考慮濫用權力呢個因素,多於你受到挑撥,或者你過度自衛。更何況 七警 以七打一,excessive self defence都無乜可能用到。

警察越死撐,就越膠,再有警察死撐,我就攞晒全西方社會同類案件嘅判刑,屆時 七警 仲膠。中聯辦班hihi,收手吧,哈爾濱試過公安打死人都判終身監禁,呢單案根本係無得死雞撐飯蓋。

3 thoughts on “七警 判刑過重?其實用英國標準只係啱啱好

  1. 本身一開始charge section 17 之後轉落地院(max 7yrs) charge 19 再轉charge 39 (max 3yrs) 加上佢地係執法人員 仲要on duty 其實著數左啦~ 之前都有休班警員傷人案例 都係兩年 所以今次真係唔重!

發表迴響

你的電子郵件位址並不會被公開。 必要欄位標記為 *