李嘉誠-min

李嘉誠 決定抵抗到底

雖然中聯辦要打擊 曾俊華 嘅選情,去到無所不用其極嘅地步,甚至不惜暴露熱血時報投共本質,影 李嘉誠 去中聯辦拜年嘅相。但今日 李嘉誠 喺出席汕頭大學搞嘅活動果陣開腔,暗示中聯辦呢鋪可以早抖。

李嘉誠 叫商界抵抗到底

今日 李嘉誠 關於特首選舉嘅談話,有四個重點:

  1. 唔作公開提名,因為曾俊華、胡國興同葉劉淑儀都係佢朋友,但無提林鄭月娥係佢朋友,所以佢擺明係ABC系人馬
  2. 佢提醒商界,特首選舉係秘密投票,即係不必買中聯辦帳
  3. 就算明知中聯辦搞到任何ABC系人馬贏唔到特首選舉,佢都唔會屈服,佢搞政治唔係嚟落注
  4. 佢大仔腳軟佢嘅事,佢自己係唔會腳軟

對中聯辦嚟講,呢次真係見識乜叫潮洲澄海硬漢, 李嘉誠 唔係粗人,但唔會隨便屈服,佢利用投資英國同歐盟,令統監府完全奈唔到佢何。相信佢嘅講法一出,就算統監府喺提名階段,幫林鄭月娥攞到好多提名飛都無用,加上長毛鎅票陰謀,成事嘅機會都唔會好大,當曾俊華同胡國興都入到閘果陣,到真係入閘選舉,因為曾俊華同胡國興陣營應該會做一定棄保動作,屆時林鄭月娥係唔係咁容易贏,我覺得並唔係,因為李嘉誠決定號召商界同你張曉明打暗戰。所以呢次特首爭霸戰,隨 李嘉誠 決定抵抗到底,至係啱啱開始。我相信會有其他表面提名咗林鄭月娥嘅商界人士,會喺關鍵時候投暗票,甚至李澤鉅果票係唔係真係投林鄭月娥,相信連張曉明依家呢一刻,都應該好懷疑至係。

只不過,呢次特首爭霸戰未完, 李嘉誠 一招已經令HKGPao同熱血時報提早收工,HKGPao仲要涉及藐視法庭嘅內容,我依家留名食花生,周融得罪咗 李嘉誠 情況下,係唔係將自己賣俾文匯大公算數。而熱血時報,所謂嘅狗仔隊,原本只係幫中聯辦做狗仔隊咋,我相信大家唔會睇到真正嘅熱血狗仔隊,如果大家發現有偷拍或片出現喺熱血時報,好可能你係俾幾件類似自由行遊客嘅大叔跟蹤咗自己唔知,所以至上咗熱血時報,因為原本實際係統監府狗仔隊先啱。只不過,大家當你熱血時報係統監府啲網媒果陣,仲扮乜嘢本土喇,你黃洋達返去早抖喇。有啲組織玩假建國,假本土,假勇武,搞亂香港本土運動咁多年,係時候收皮。

林鄭月娥以為統監府支持一定贏,睇嚟,惡鬥依家至啱啱開始,而且曾俊華同胡國興一齊入閘嘅話,林鄭月娥會更加摸唔清個局勢,大家可以繼續買花生食,喺一眾evil之間漁利。

發表迴響

你的電子郵件位址並不會被公開。 必要欄位標記為 *