藐視法庭-律政司

律政司無得唔理 藐視法庭 案件

七警案判後,土共集體暴走 藐視法庭 ,有好多人會認為,法官掟個file俾律政司,律政司都可以唔做嘢,放過啲土共五毛。其實,稍為識案例都知, 藐視法庭 可以直接由法官自己告自己審,法庭將 藐視法庭 案件交俾律政司,純粹係基於司法公正嘅原則。如果律政司唔做嘢,律政司司長係要向司法機構解釋,2011年兩個越南籍被告喺庭上講粗口案,就係一個典型例子。

律政司唔理 藐視法庭 案件,結果自己攞嚟膠

喺2011年,兩名越南籍男士喺庭上爆粗,不滿裁判官不給予保釋,當時裁判官即時要求律政司就向裁判官使用侮辱性言語作出跟進,交俾律政司,係費時俾人話不文明同獨裁,點知律政司認為無問題,竟然唔檢控,結果裁判官要求政府律師解釋發生咗乜事,亦同時要求相關政府律師,親自向律政司司長報告。

只係爆粗,都搞到要被法官掟去律政司,律政司唔做嘢,官連律政司都xyz埋。如果杜大衛被辱事件,律政司乜都唔做,你覺得司法機構唔會捉律政司司長照肺,我睇怕都好難唔照肺,屆時政府嘅威信,將會更加低落。越南籍被告講粗口事件,最多話係無教養,都被個裁判官追九條街,依家係有社會知名人士,利用傳媒或facebook公然侮辱法官係狗官,呢啲人都係大家眼中嘅社會精英,或受過教育人士,法庭更加唔可能就咁算數,司法機構高調發新聞公報,其實係留最後面子俾政府,如果最終司法機構根據市民提供嘅資料,發出傳票甚至要求警方拘捕有關人等歸案,屆時政府嘅威信,將會更加之淪喪。

所以,唔好成日話律政司唔會理呢啲案件,當你將啲 藐視法庭 友仔嘅資料,全部交俾司法機構,司法機構一定會認真處理,司法機構就會掟file要律政司跟,袁國強唔跟嘅話,佢唔再做律政司果陣,都唔可能學黃仁龍咁,風風光光重新投入私人執業,因為成個法律界會睇你唔起,大狀就尤其係。所以我唔明,點解班土共可以食咗豹子膽咁暴走,對法官作出呢啲侮辱性嘅言論,香港一直以嚟,用言語侮辱法官,都唔會有好下場,我相信呢一次,亦都唔會例外。

發表迴響

你的電子郵件位址並不會被公開。 必要欄位標記為 *