特赦七警

特赦七警 ?梁振英你諗都唔好諗

梁振英條變態佬控制啲五毛,啲要求越嚟越過份,李偲嫣竟然提出梁振英運用特權 特赦七警 。中共濫權嘅創作力同幻想,真係會嚇你一跳。

特赦七警 一啲理由都無

喺字面法律權力上,梁振英絕對有權 特赦七警 ,呢個係《基本法》第48條第12款嘅特定權力嚟,只不過,呢項權力係有案例約束,根據Ch’ng Poh 訴 香港特別行政區行政長官(HCAL 182/2002) ,根據呢個案例,照律政司基本法案例摘要對案例嘅描述

雖然《基本法》賦予行政長官若干特權,但顯然絕非將其置於法律之上。反而行政長官的權力是由《基本法》所界定和限制的。當行政長官根據《基本法》第48(12)條行事時,他是在一個更廣的憲制架構內行事,而這個架構旨在依法保障所有居民的權利。

法官信納,按《基本法》,儘管行政長官根據 《基本法》第48(12)條所作的任何決定的是非曲直不得由法庭覆核,但作出有關決定的程序的合法性是可以覆核的。

呢兩點好重要,你梁振英要頒特赦令,係要依據Ch’ng Poh 訴 香港特別行政區行政長官案例確立嘅要求,梁振英嘅特赦令係必須以保障其他香港居民公民權利為目標,但依家七警案係乜案,係七名香港警務人員執行職務期間,無合理辯解干犯《侵害人身罪條例》裡面嘅ABH罪行,你同我講你要 特赦七警 ,我相信任何對《基本法》有少少研究嘅人,只要搵番啲案例嚟睇,都唔可能認為梁振英有權 特赦七警 ,因為呢個特赦令本身係可以被司法覆核,甚至合法性可以喺法院受挑戰,因為特赦令絕對唔可以係違反《基本法》對公民權利保障嘅後門。

所以 特赦七警 呢啲建議,絕對係唔尊重法律嘅法盲至提得出嚟,梁振英你諗都唔好諗。土共成日叫人讀《基本法》,雖然《基本法》寫得好垃圾,但真正唔讀《基本法》果班友,其實正正係呢班土共,幸好香港仲係行普通法同衡平法,經過過去二十年唔同《基本法》案例嘅補充,有唔少《基本法》嘅漏洞,被法官一一用案例堵塞,當中包括行政長官特赦權呢個漏洞。唔該土共唔好當香港人係唔識法律,《基本法》係法律,唔係俾你班友亂咁解釋。

One thought on “特赦七警 ?梁振英你諗都唔好諗

發表迴響

你的電子郵件位址並不會被公開。 必要欄位標記為 *