警務聯絡部-min

執咗 警務聯絡部 咪大家相信香港紀律部隊獨立執法

Marco Rubio宣布再度提出《香港人權及民主法案》後,香港政府聲稱無證據顯示契丹政府跨境執法。香港政府大概以為美國傻人多,唔知道中聯辦有個叫 警務聯絡部 嘅部門,呢個部門,實際上就係掌握香港紀律部隊嘅部門嚟。

警務聯絡部 實際操控紀律部隊

喺2003年七一遊行後,因應香港人反抗中共統治嘅聲浪,中共決定加強對港殖民,除咗CEPA、炒貴香港樓房,同送入大量移民外,中聯辦亦越嚟越似統監府。2005年,中聯辦成立 警務聯絡部 ,表面上加強兩地執法機關聯絡,但由 警務聯絡部 經常去各大紀律部隊工會飲茶食飯,搞洗腦國情班,其實 警務聯絡部 ,根本係韓國統監府警務部嘅翻版。韓國統監府警務部為日後接管大韓帝國政府警察部門做準備,而香港統監府 警務聯絡部 ,就為香港警察變成鎮壓人民嘅工具做準備。

所以契丹政府,如果要外界相信香港仲有獨立警隊,唔該解散中聯辦 警務聯絡部 ,香港執法人員同契丹執法人員嘅必要合作同交流,只需要透過國際刑警嘅機制去做,因為只要中共將公安當成專政工具使用,中聯辦有任何類似 警務聯絡部 嘅東東嘅結果,就係變成對紀律部隊進行洗腦同心戰嘅工具,唔單只跨境執法會視若無睹,而且香港執法人員遲早變成中共機器而懵然不知。

我個人認為《香港人權及民主法案》第一批要制裁嘅人,除咗香港警隊高層,以及梁振英果堆核心梁粉外,中聯辦 警務聯絡部 嘅歷任官員及其親屬,無人可以放過佢,因為無呢班人渣玩洗腦,我想問一班由英國人訓練嘅專業執法人員,點會淪落成為政權走狗,中聯辦 警務聯絡部 簡直係鎮壓香港人民嘅核心部門,為香港嘅民主同人權,必須加以清算。

契丹政府如果仲想國際社會相信,香港紀律部隊係唔受中共控制嘅話,應該立即解散中聯辦 警務聯絡部 ,除此以外,以下嘅部門,都應該立即解散,否則我睇唔到中聯辦同韓國統監府之間,兩者有任何嘅分別:

  • 社團聯絡部
  • 青年工作部
  • 香港工作部
  • 九龍工作部
  • 新界工作部
  • 經濟部

呢度,我順便俾大家比較吓,中聯辦同統監府機關上分別

香港中聯辦 韓國統監府
辦公廳 人事部 宣傳文體部 協調部 研究部 社團聯絡部 社會工作部 經濟部 教育科技部 台灣事務部 青年工作部 法律部 監察室 機關工作部 信息咨詢室 保安部 警務聯絡部 行政財務部 港島工作部 九龍工作部 新界工作部 北京辦事處 廣東聯絡部 深圳培訓調研中心 秘書課、會計課、人事課、文書課、地方課 農林課、商工課、水產課、礦業課 警務課、保安課、衛生課 韓國課、外國課 法制審查會 京城理事廳 仁川理事廳 釜山理事廳 元山理事廳 鎮南浦理事廳 木浦理事廳 馬山理事廳

發表迴響

你的電子郵件位址並不會被公開。 必要欄位標記為 *