Marco Rubio

Marco Rubio 再提香港人權及民主法案

Marco Rubio 提過香港人權及民主法案好多次,只不過,如果講最接近成事,好可能係呢次,因為Marco Rubio 喺國會召開無耐,就將法案提出嚟,換言之,有充足時間開聽證會等去審議法案,再加上呢次爭取到民主黨嘅參議員共同提案,換言之,呢次參議院要過,未必咁難。

Marco Rubio 呢次再提香港人權及民主法案,好大機會係,美國人送俾香港被契丹佔領二十週年嘅大禮。

Marco Rubio 提供子彈俾 Trump 玩

雖然習近平半強迫 Trump 承認一中政策,但 Trump 對契丹嘅不友善政策,依家係仍然推動,積極積存子彈,呢啲行動包括:

  1. 打算喺美國在台協會辦事派駐海軍陸戰隊,令美國在台協會成為de facto嘅美國駐台使館,因為只有正式使館,至會駐海軍陸戰隊
  2. 承諾尖閣列島有事,美國將會協助日本防守

但 Trump 要同契丹玩餐勁,一定需要更多子彈,特別喺朝鮮半島都係得個亂字情況下,美國會喺南北韓問題上,保留需要同契丹合作嘅空間(雖然我對契丹控制北韓嘅能力,深表懷疑),而香港依家嘅情況,只要梁振英維持現有變態嘅政策,美國介入香港事務,香港人普遍都會好歡迎,所以喺呢個背景之下,共和黨加快推動香港人權及民主法案,亦都好理所當然。

相信最驚呢個法案,除咗係班高級黑警,以及同梁振英狼狽為奸啲政客家屬,仲有係中聯辦同港澳辦嘅高官子女,因為佢地一定會有參與鎮壓香港人嘅活動,佢地以為喺香港可以撈好多油水,然後送子女去美國,點知依家美國同呢班人渣關門大吉,你話呢班友點會唔急呢?所以呢個法案,香港人一定要支持就係咁解,唔單只令特區政府啲官會有所收歛,更重要係中聯辦同港澳辦啲膠人,亦因為自己屋企嘅理由,而不得不有所收歛,呢個將會係一件功德無量嘅事。

孫中山唔係好人,但孫中山到毛澤東都教大家,要革命又好,要改良又好,無外國勢力支持同介入一定做唔到,勾結外國勢力從來唔係罪名嚟,如果勾結外國勢力係罪名嘅話,咁叫中國共產黨改咗個鐮刀斧頭嘅黨徽先。

發表迴響

你的電子郵件位址並不會被公開。 必要欄位標記為 *