黃國健

黃國健 係唔可以喺立法會評論法官

無七警案嘅判決,都唔知香港政界啲牛鬼蛇神可以猛到文革級數,有啲立法會議員,更加係以為《立法會(權力及特權)條例》裡面關於議會言論嘅免責權係免死金牌,係咁亂噏廿四,其中以黃國健最為離譜,梁君彥居然可以任佢講,簡直係黐線。

黃國健 根本唔應該評論法官作為

黃國健說,香港司法制度大體上值得支持,但執行司法的始終是人,難免有偏向,質疑有司法人員心存偏見,作出令社會嘩然的不合理判決。

他又形容某位法官「白皮黃心」,是「黃絲帶的黃」。

以上摘錄自信報即時新聞,如果唔係《立法會(權力及特權)條例》,藐視法庭以及《種族歧視條例》嘅法律無法喺應用於立法會議員會議上嘅發言,一早就將黃國健嘅講話錄音,交晒俾司法機構以及平等機會委員會要求跟進,土共呢次係明顯濫用《立法會(權力及特權)條例》賦予佢地嘅發言特權,呢種有權必用盡嘅思維,其實係相當可怕嘅。

但梁君彥呢次,明顯係失職,雖然《立法會(權力及特權)條例》表面上俾議員任講,但實際上,議員喺議會上嘅言論自由,係受限於《議事規則》,《議事規則》本身,都係香港法律嘅一部分。而根據《議事規則》第41條第8款:

不得提及法官或其他履行司法職能人士的行為。

而 黃國健 除咗指法官白皮黃心,仲講呢啲嘢,根本係向法官施壓,完全唔恰當,但我唔明點解,梁君彥並無要求 黃國健 收番發言,甚至即時驅逐 黃國健 出議事廳。

工聯會黃國健表示,支持警方為7名警員上訴,亦希望司法機構自行糾正案中的謬誤,向市民交代。

黐線架,司法機構有乜理由去「糾正」案件嘅「謬誤」,呢啲人咁講嘢,如果唔係佢喺立法會講啲咁嘅嘢,一早又要掟俾律政司跟進。但就算司法機構同律政司跟進唔到都好,你梁君彥喺主持會議果陣,竟然唔覺有問題?一個咁明顯嘅問題都唔識聽嘅立法會主席,仲有乜資格做立法會主席?如果唔係張曉明呢條賤人去扶植你,我非常之懷疑,佢有無擔任立法會主席嘅能力。曾鈺成係賤人,但曾鈺成至少知道,如果有啲作為太無底線嘅話,係實會膠到無朋友收場。

發表迴響

你的電子郵件位址並不會被公開。 必要欄位標記為 *