七警-曾偉雄

誰是毀咗 七警 嘅真人渣

屈穎妍喺撐 七警 嘅文章《除暴安良的學費》,講到好多警察都係有嫉惡如仇正義心,無錯,香港有唔少黑警,甚至果 七警 係唔係全部都係人渣,都未必,犯咗刑事案,都未必個個係人渣。只不過,如果話毀滅 七警 嘅真人渣,一定唔係法官或曾健超,屈穎妍嘅講法,係黑白是非顛倒,佢都有份毀滅 七警。

真係毀咗 七警 係梁振英、曾偉雄

真係毀咗 七警 ,依次序,係呢幾位人渣

  1. 梁振英
  2. 曾偉雄
  3. 屈穎妍同佢啲盟友

首先,邊個落死命令,明知警察對異見人士濫用私刑,唔酷刑罪都ABH或GBH,都要打?如果無梁振英、張曉明嘅死命令,我唔信會打成咁,只不過,由於香港無檔案法,警隊同政府無高層亦無人夠薑,將梁振英同曾偉雄落嘅命令爆出嚟,否則,其實毀滅 七警 嘅元凶係邊個,根本係好易搵出嚟。同埋,中聯辦當時警務聯絡部部長謝小青扮演乜角色,呢啲嘢,日後都要查出嚟,執行非法命令嘅人,固然係非法,但落非法命令嘅人,等同係教唆他人進行ABH或GBH行為,點解可以唔駛搵佢地出嚟負責,毀滅咗 七警 嘅人生,毀滅咗香港警隊士氣同形象,就可以走數逃之夭夭,呢個世界邊有啲咁著數嘅事?

另外,屈穎妍自己都有份毀滅 七警 ,屈穎妍係咁為警犯違法嘅行為張目,問題係,依家警員做咗,衰埋,屈穎妍不斷推另一啲警員去火坑,屈穎妍會攞自己啲稿費,養七警嘅屋企人嗎?當然唔會喇。呢啲為咗自己嘅政治偏見,甚至政治利益,而係咁推啲傻仔去死嘅人,又唔係正人渣咩?所以如果講毀滅 七警 嘅人渣,點可能無屈穎妍嘅份?

除暴安良本來唔駛學費,只要嚴守政治中立,同埋唔好執行上頭俾嘅非法命令,維護香港公民嘅基本言論自由,唔好參與濫用私刑嘅活動,除暴安良唔駛俾喺法院受審訊嘅學費,依家就係警隊喺梁振英、曾偉雄、盧偉聰呢啲人唆使下,放棄政治中立,變成取悅政權嘅工具,結果依家咪有人受代價,而且受代價嘅,唔會止於 七警 以及朱經緯,如果遮打革命或魚蛋革命期間,更多警員濫權紀錄被揭出來,就算係十年後至揭出嚟,都仍然會有人要受應付嘅刑事代價。

果啲毀滅 七警 人生嘅人渣,遲早都會有人同佢地算賬。

發表迴響

你的電子郵件位址並不會被公開。 必要欄位標記為 *