屈穎妍-人渣

屈穎妍 涉嫌喺報章藐視法庭,仲有梁粉網媒添,律政司跟唔跟進

雖然七警案告一段落,大家要再睇戲,都要睇上訴,以至終審判決,話雖上訴同終審都唔易打。只不過,成班土共梁粉,呢次喺藐視法庭問題上中晒伏,花生食極都唔完。而 屈穎妍 寫果篇《除暴安良的學費》,如果連同港人講地嘅連載,一併交俾司法機構,我睇花生真係缺貨都似。

屈穎妍 寫果份唔係網媒,係紙媒

高志森喺facebook派膠,作為知名人士亂咁發音,都已經引嚟司法機構注意。但高志森都係一人做事一人當,佢自己膠佢自己事。但 屈穎妍 呢次係《頭條日報》寫一個人渣毀七段人生,情節嚴重性,係比高志森嚴重好多,原因係咁:

  1. 現時好多法例仍然為監管紙媒而設計
  2. 《頭條日報》並唔係一般報紙,佢係依家刊咗憲,政務司司長指定刊登法定公告嘅報章之一,公眾有合理期望,編採上較為嚴謹
  3. 市民比較信賴紙媒
  4. 《頭條日報》喺香港各地免費派發,對司法公信力傷害力甚大

所以如果有人掟篇文去司法機構,如果司法機構真係又掟俾律政司跟進嘅話, 屈穎妍 係比高志森仲要大鑊,而且會連同何柱國擁有嘅星島報業一齊攞去煮,因為呢啲紙媒全部有政府登記(我都做過),登記冊上啲東主、董事、總編輯、督印人呀,全部係要上身。

但另一個花生位都值得注意,就係港人講地,呢個梁粉網媒,本身都有轉載 屈穎妍 嘅文章,仲要喺email newsletter度周街派

屈穎妍-人渣
屈穎妍-人渣

由於港人講地係梁振英嘅宣傳機器,甚至有可能涉及政府裡面嘅人,例如新聞統籌專員馮煒光,所以我好懷疑律政司司長袁國強係唔係適合就呢堆藐視法庭案作最終決定,係咪要判俾刑事檢控專員,再由刑事檢控專員外判俾英國嘅御用大律師,睇吓駛唔駛檢控咁? 因為呢單案,公眾係無信心律政司會公平公正做嘢。

啲人將 屈穎妍 篇文掟俾司法機構,呢個係遲早問題,因為實有唔少人因此報警,或者將篇文譯俾司法機構,屆時我真係想知,處理 屈穎妍 會唔會好似處理朱經緯咁,要等成八百幾日,但公眾期望喺藐視法庭上,梁粉呢班極左派唔會有特權,呢啲人嘅寫嘢方式,我用目無法紀四個字嚟形容佢地,都係相當恰如其分。

發表迴響

你的電子郵件位址並不會被公開。 必要欄位標記為 *