七警案-判刑-min

七警案 判決:區域法院向警員傳達清楚訊息

七警案 終於有判刑,以兩年半為量刑起點,扣減求情等理由後,人人兩年。呢次判決區域法院向警員傳達清楚訊息,任何執法人員,係有清楚責任喺執法期間遵守法律,不論對方有無遵守法律。

七警案 判刑唔算輕

  1. 首先,以ABH呢條罪嚟講,兩年唔叫輕,因為ABH最高刑期係三年,而一般嚟講,係唔會判到最高刑罰,依家判兩年,而且無緩刑,大致上同以往同類案例判刑相若,包括英國嘅R v. Lewis,同埋香港特別行政區訴梁盛志案,梁盛志案係GBH判十六個月監禁。
  2. 左膠話呢條罪輕啲,一比較梁盛志案判十六個月,梁盛志案告係GBH,受害人死埋,而呢單係ABH,當事人健在,流血都無,但判廿四個月(兩年),由此可見,由ABH抑或GBH告得入並唔係最終判刑重同輕嘅決定性因素,個官點樣量刑,至係最終決定七名被告所受刑罰輕重
  3. 呢次,區域法院罕見係即時上載判刑理由,呢次係特別引用上訴庭喺香港特別行政區訴許文泰案嘅講法,Police officers in whom the public place trust to uphold the law, but who themselves break the very laws they are empowered and entrusted to uphold, have to be made examples in terms of deterrent sentencing so that others will not be tempted to follow along similar lines and so that public confidence will be maintained.換言之,法官係跟足上訴庭指引作出判決。法官係擺明車馬,依照上訴庭嘅案例,作出阻嚇性刑罰,所以無緩刑正常,首被告代表律師駱應淦御用大律師評論呢個裁決係唔算過重,係專業講法嚟。
  4. 呢次法院,其實判刑亦重申一個原則,警員必須服從係合法命令,如果命令係非法,咁有乜後果係閣下自理,所以唔好再搞乜嘢撐警活動,呢次咁斷正,成個警隊係應該反思自己嘅文化,跟上頭柯打,even梁振英嘅柯打都好,用吓腦,判斷一下咁做係合法同非法。警員喺學堂,係受過基本刑事法律訓練,無理由咁都唔知

發表迴響

你的電子郵件位址並不會被公開。 必要欄位標記為 *