燒山-燈神

燒山 終於覺悟到自己強大嘅燈力

燒山 最初被稱譽為燈神果時, 燒山 對燈神呢個稱號非常抗拒。只不過, 燒山 始終係商人出身,商人出身有佢實際嘅一面,雖然每個舊時代走到新時代嘅人(包括我在內),都對一啲有嘲諷成份嘅綽號好抗拒,但慢慢,呢啲綽號可以係自己嘅商標,甚至令自己更普及。而 燒山 親身示範,佢可以點樣將自己燈神嘅稱號,化為一種資產。

燒山 覺悟燈力救港

無人想自己成為燈神,點解會成為燈神,亦都無科學上可以解釋嘅原因,只不過,喺統計學數據上,你係燈神,就係,無得解嘅,正如黃興桂提供嘅貼士,賭佢對家實無窮人,所以被稱為桂神,你估佢想架。正如比利,佢係球王,佢嘅球技無可比擬,但佢預測足球賽果就係估邊個衰邊個,你估佢想,但科學上無得解釋。

人生面對一啲無奈嘅情況,其實最有正能量嘅做法,係化負為正,化燈力為一股marketing力量又好,化一股吸引觀眾力量又好,化一股爭取大家支持嘅力量,乜都好喇,總之能夠令自己或公眾獲利嘅力量就係好。好似上個禮拜,果個燒山破燈,韓牛仲有得賣嘅facebook,咪幾好睇同幾好笑,至少我記得,亦知道,原來蕭若元有入口韓國牛嘅,同埋韓國牛仲可以喺香港買到嘅訊息。 燒山 燈神呢個名號,幫咗佢慳幾多廣告費至得架,呢個就係一種另類brand power。

好似依家 燒山 係咁預測林鄭月娥必勝,連蘋果都要報導, 燒山 預測 林鄭月娥會贏,大家覺得香港突然有救,因為大家相信 燒山 原來有一股不可思議嘅力量,你話講笑又好,大迷信都好,至少呢個已經為佢YouTube賺咗觀眾,觀眾係可以變成Adsense嘅hitrate嘅,而Adsense嘅hitrate正正係錢嚟,呢啲可以貨幣化嘅收入,其實你俾人話係燈神,你應該多謝當初冊封 燒山 係燈神班高登仔都嚟唔切喇。

燒山 覺悟燈力救港,不如話佢覺悟到互聯網年代嘅文化,要識自嘲,至可以行得更遠,正如果堆狂抽 Trump 水嘅America First系列,往往係自己國家嘅水都狂抽,咁樣至會有觀眾嘅認同。正如我依家唔介意被叫律師信魔人,雖然真正嘅魔人,其實係梁振英。只不過,呢個稱號令我理直氣壯去追一個姓王嘅hihi嘅種族歧視數先,係咪?

後話:想睇晒美國第一,XYZ第二嘅系列惡搞,睇呢度,最好睇係ORF(奧地利廣播公司)版本,黐孖筋,抽到奧地利歷史乾晒。

發表迴響

你的電子郵件位址並不會被公開。 必要欄位標記為 *