加拿大-min

加拿大 選擇同英國保持距離:英聯邦仲有乜盟友?

雖然特朗普個女,好明顯被 加拿大 嘅靚仔法裔首相 Justin Trudeau 電親,只不過 Justin Trudeau 領導下嘅加拿大,明顯選擇同美國,甚至英國保持距離。Justin Trudeau 喺史特拉斯堡嘅演說上表示,支持一個強大嘅歐盟。換言,英國如果諗住拍住加拿大重組新英聯邦, 加拿大 未必有呢個熱情同佢玩。

BREXIT遇上 加拿大 進入小Trudeau年代

如果 BREXIT發生果陣, 加拿大 本身都係保守黨執政,或者可能快啲同澳紐共組新英聯邦,為 BREXIT 後嘅英國求多一條出路,畢竟依家Trump領導下嘅美國,實在太多難以想像嘅變數,甚至呢條友係唔係最終被國會罷免都唔知,因為共和黨未必接受到佢嘅親俄路線,同埋用人連條友得唔得都未check過就隊上國會。加上 加拿大 比起美國,本質上就係比較左膠,而有講法文嘅魁北克,就左膠上加左膠,所以依家由一個左膠靚仔做首相,你覺得佢會選擇同你英國合作,定係同歐盟合作,呢個問題亦都好清楚。

就算Justin Trudeau 老豆 Pierre Trudeau 做首相果陣,係左膠唔駛講,加拿大完全獨立於大英帝國,其實亦係Pierre Trudeau做首相果陣確立,除咗文化同語言多元主義(做 加拿大 人係應該識法文嘅,呢個主張由Pierre Trudeau做首相開始),加拿大嘅憲政上完整脫離英國獨立(1982年加拿大同英國國會同步通過法案,英國叫Canada Act 1982,加拿大叫Constitution Act 1982,英國唔再介入加拿大憲法日後任何修改,英女皇以加拿大女皇身份簽署加拿大法律),亦係佢老豆做首相果陣確立,你想Justin Trudeau執政年代搞番個新英聯邦共同市場出嚟,講玩咩?加拿大有乜著數先?

依家英國最大寄望,係澳洲同紐西蘭可以同佢老友鬼鬼,如果香港唔係被迫同契丹吞併,其實英、港、澳、紐四地共同市場,或者係有啲睇頭,依家,我真係諗唔到BREXIT後英國可以點,no plan嘅結果就係in the middle of nowhere。

發表迴響

你的電子郵件位址並不會被公開。 必要欄位標記為 *