周杰倫-min

周杰倫 係保護肖像權,定係為咗擦中國鞋?

達明一派嘅演唱會宣傳海報神秘下架,由於喺統監府封殺下,達明一派演唱會搞到由法資環球唱片公司全力贊助,已經引起好大政治疑慮,所以呢件事實諗到政治。依家原來係 周杰倫 宣稱任何涉及佢嘅改相,都要問過佢批准,所以要下架,咁呢件事,以我對台奸嘅理解,我更加可以斷定,呢件係政治事件。

周杰倫 只係睇契丹市場做人

喺香港,其實改相係唔駛問過當事人批准,我自己都被人改咗n次。改相某程度上,特別係有詼諧成分嘅,都係屬於公平使用(fair use)一種,根本唔應該涉及版權,相信 周杰倫 如果喺台灣作出同樣行為,都會被人媽到九彩。其實咁樣改相, 周杰倫表面係商業上無損失,點解要咁做?如果純粹係計算肖像收益,其實一般都無數得計,特別藝人演唱會。但大家都知, 周杰倫 呢幾年幾重視中國市場至得架,如果有中國官員向 周杰倫 施壓,要佢做呢類醜人,咁樣,成件事就變得相當之合情合理。

事實上,呢幾年其實好多台灣統派投資香港傳媒,都係充當中共爛頭卒嘅角色,喺台灣搞到《中國時報》變台灣版《文匯報》嘅蔡衍明,佢就係最初嚟收購亞視,當然做咗苦主,但我相信中國會另外喺商業利益上賠夠俾佢。依家CCTVB其中一個大股東,正係HTC嘅王雪紅,所以我依家係杯葛HTC。當你參照一下王雪紅、蔡衍明呢啲友仔喺香港嘅所作所為果陣, 周杰倫 咁搞達明一派又有乜奇,反正呢條友對香港係一啲感情都無。

我對台灣政治嘅多年研究,其實發現到,無錯,台灣堅持台獨果班,反對中國係最強烈,站喺最前線,但與此同時,台灣果班統派為咗中國市場,或者所謂國家一統大業,佢地出賣台灣同香港自由民主,亦都係最厲害果班,所以,我對台灣嘅睇法一向都係,打台奸等於打港奸,因為台奸前往會做吳三桂,縱容呢班友,等於香港人受害,香港同台灣喺對抗中國嘅統一戰線,唔單只喺台灣同香港獨派嘅共同友好工作,亦都要共同對抗果啲,為咗自己發財,乜嘢仁義道德,禮義廉恥都唔講嘅商界。香港商界有時都未必會做共產黨爛頭卒,但台灣商界絕對會係另一回事,呢個唔理省籍。

發表迴響

你的電子郵件位址並不會被公開。 必要欄位標記為 *