高志森-司法機構

高志森 你已經成功爭取司法機構注意

高志森 被指藐視法庭事件,雖然好多人都以為律政司唔會做嘢。只不過,喺有傳媒將 高志森 嘅偉論交俾司法機構後,司法機構喺晚上七點發出新聞稿,雖然無點名係 高志森 ,但好明顯, 高志森 已經成功爭取司法機構嘅注意,司法機構將單嘢擲咗俾律政司跟進,律政司無論做嘢定唔做嘢,都要向司法機構作出解釋,換言之,好難唔做嘢。

高志森 以為講咗膠嘢無後果?

高志森 被指藐視法庭,有兩種途徑可以令政府做嘢,最常用嘅方法,當然係報警,但報警有時都可以拖,或扮自己收唔到,好似我昨日報咗警,依家都未收到RN Number,如果唔係司法機構出咗新聞稿,我諗我已經親自去警局,要求警方跟進事件,並且幫我錄取一份告發用嘅口供。

另一個方法,就係直接通知司法機構,甚至被攻擊嘅法官,司法機構一般為尊重律政司,都唔會自己攞去告,而係要求律政司跟進,律政司一般都好難唔跟進,好多時,法官指某啲人行為涉及妨礙司法公正,或者法官判案果陣,發現案件可以仲涉及其他罪行,都可以要求律政司跟進,而律政司一般都好難唔跟進,因為司法機構,以至啲法官,係堅會跟你嘅進度,如果政府無合理解釋,hea做或唔做,呢個會引起好大嘅風波,所以一般律政司都會做,換言之, 高志森 以至其他附和佢嘅五毛,都好可能惹嚟一身蟻。

其實香港嘅藐視法庭嘅犯罪元素好清晰,只有土共以為可以用呢啲文革手段對付法官,而有啲成日發表種族歧視言論嘅所謂識法律嘅人,就玩人身攻擊,都講唔出點解 高志森 有權去咁樣任意攻擊法官。當件事引起公眾關注後,司法機構唔做嘢嘅可能性近乎係零,因為如果司法機構今日可以縱容 高志森 呢挺言論,日後點樣捍衛法官不偏不倚咁判案?果啲喺契丹用假戶口嘅五毛,或者未必查得到,捉得到,但如果律政司呢幾個月都無進一步行動,檢控 高志森 嘅話,好快公眾會再度去信司法機構要求跟進,甚至有可能有人發出私人刑事傳票,要求 高志森 就藐視法庭嘅罪提出檢控,如果律政司搞到咁果陣,大家只會覺得佢地霸住律政中心做乜,不如執咗佢。

土共成日話人唔守法,但結果,最唔守法嘅,又係你班土共。

發表迴響

你的電子郵件位址並不會被公開。 必要欄位標記為 *