舒適-關公災難

舒適 鬚刨如何自製關公災難(大部分大公司都係咁)

舒適 鬚刨喺七警案判決當日,出咗個抽水post抽七警水,本來網民一致讚好,但唔知點解個post抽起咗,兼且要道歉,引發要見報嘅關公災難,品牌價值受挫。如果真係要杯葛, 舒適 同佢同系嘅勁量呀、Playtex全部都杯葛得。

其實我都做過啲大公司 facebook consultant(客串咁),其實搞出關公災難,同office politics,或者部分marketing大員嘅無知或私心有關。有啲關公災難之所以出現,唔係唔知會搞出關公災難,而係成個公司唔健康結構所造成。

舒適 都只不過係一間大公司

最常見引發呢類關公災難嘅公司,都係是但一個問題:

  1. 香港分公司實際上受制於總部設於契丹嘅亞太分公司甚至中國分公司,咁好多時,總設設於契丹亞太分公司,或中國分公司,揸莊都係果啲契丹海歸,咁大家明乜事。 舒適 鬚刨唔係呢個case,但唔少大牌子係呢種情況,甚至有啲大牌子,其實已經契丹化,例如tempo,如果唔係無得揀,我唔會買受維達控制嘅tempo(雖然維達總部喺香港,大股東係SCA,但管理層成棚契丹人呢)。
  2. 香港分公司啲marketing高層對政治無知,統監府或政府啲人打個電話就驚到死,我懷疑警隊有人打過電話去 舒適 果面,反正呢啲嘢,呢個政府唔會向市民交待,除非有人錄到音兼爆到料。呢種情況,其實係最常見,好多marketing嘅高層,政治識條鐵,民意亦都識條鐵,無知人一大堆,好鬼硬膠嘅。
  3. 但更膠嘅問題,可能係啲marketing高層為咗自己可以爬上去契丹分公司大位,或亞太分公司大位(自以為),成日走去擦統監府嘅鞋,希望攞到啲人大政協之類嘅位嚟做,呢種膠人唔多,但唔係無,呢度係香港,點可能marketing界無呢啲古惑仔。當然, 舒適 個政治水編可以留咁耐,未必係呢種情況,因為正常嚟講,呢種情況都係會將啲social media marketing工作判俾有契丹背景公司做

只要契丹唔係一個正常國家,關公災難只會源源不絕。當然,我作為一個政治評論出身嘅人,我可以提供俾各大牌子marketing高層忠告係,統監府呢班攞住雞毛當令箭嘅人,根本可以無視,而政府打電話施壓,亦可以睬佢有味,你又唔係要投標政府合約,係咪?

發表迴響

你的電子郵件位址並不會被公開。 必要欄位標記為 *