新亞人字拖-min

新亞人字拖 事件:中大學生會嘅憲政倫理

本來作為老鬼,應該避免評論中大學生會內政,只不過, 新亞人字拖 設計比賽,竟然搞到書院間互片,有人要中大學生會介入,甚至上埋網媒。咁我作為一個前中大學生會中人,可以分享吓,由 新亞人字拖 事件,了解嘅中大學生會憲政倫理同運作邏輯。

新亞人字拖 搞出乜風暴

  1. 新亞人字拖 事件,大家喺facebook見到各人互片,大開眼界,書院學生會相互抽水,抽到不亦樂乎,呢個好正常,喺我讀大學果個年代,啱啱resent興起,我開始周街打帶notebook打note,甚至寫稿嘅年代(果陣無MacBook Air),當時有cuhk.forum嘅newsgroup,我做院委主席都經常開片,唔打筆戰唔叫中大,只不過以往cuhk.forum唔公開,依家facebook係公開,大家至嘩一聲,乜中大咁勇武架(勇於打筆戰)。
  2. 雖然政府成日削弱各書院嘅自主權,但先有書院,後有中大呢個歷史傳統,喺學生會層面仍然好強,所以,啲人去中大學生會投訴,中大學生會係愛莫能助,因為中大學生會嘅權力,事實上係書院授予。喺中大成立前,成立中大嘅三間成員書院,即係新亞、崇基、聯合,三間都係各自獨立嘅院校,佢地仲惡過美國成立前嘅state,所以唔好叫中大學生會郁任何書院學生會內部事務。呢個係找死。
  3. 點解會有書院互片呢件事,甚至中大校方削弱書院制不成人形,書院文化都仍然有一定強勢,因為中大成立嘅三間成員書院,本身背後歷史都好強,崇基係燕京大學、聖約翰大學呢啲中華民國頂級基督教大學嘅延續,聯合係廣州大學等私立大學嘅延續,而新亞雖然喺香港成立,但大家都知新亞同美國耶魯大學嘅淵源深厚,如果唔係共產黨,呢三間書院嘅前身或相關連繫,全部都係國際一流大學咁滯,你話書院文化根基咁厚,點可能弱勢。呢個亦係我反對中大為籌款再搞書院嘅原因,因為新書院純粹靠有錢佬捐獻,文化底子差,唔被傳統大書院玩死就奇。逸夫書院以往有幾削,你估我無感受過,如果唔係邵逸夫爵士自己都係一個世界電影史上嘅名人,我真係諗唔到有幾撐得住。
  4. 當然,得罪隔離書院係唔妥,但新亞書院學生會,搞得呢個活動,亦有責任捍衛書院人嘅言論自由,所以,你叫新亞學生會幹事會退?我恐怕應酬得其他書院,幹事會中人唔駛瞓宿舍,所以,新亞書院學生會咁搞活動係蠢,但洗濕個頭,咁又可以點,唔通唔玩呀,你估書院無「民族主義」

中大就係一個乜膠都有嘅地方,只不過大家實在大驚小怪。

發表迴響

你的電子郵件位址並不會被公開。 必要欄位標記為 *