耶加達市長

耶加達市長 選戰:印尼渡過原教旨主義危機

我好少寫我家鄉,印尼嘅政治。畢竟我係英國公民,唔再係印尼公民,只不過,呢次耶加達市長選舉,鍾萬學領先,得票最多,但仍然要四月再進行投票,印尼同馬來西亞,好可能因此,走上兩種好唔同嘅道路。

耶加達市民透過 耶加達市長 選舉保住民主嘅路

1998年蘇哈圖倒台,當時印尼嘅共識係,一種不問種族出身,不問宗教背景嘅新政治,所以,喺馬來西亞仍然公然歧視華人嘅時候,回教教長出身嘅瓦希德自己係華人之後,變相出現全世界第一個華裔領導嘅回教國家,之後就係印尼國籍法撥亂反正,大批失去國籍嘅華裔人士可以得到印尼國籍。印尼走上,係一條比馬來西亞正常嘅道路。而華裔基督徒擔任印尼首都市長,其實係呢股清流嘅反映。

但近年呢股清楚,遭到兩股逆流,一股逆流係我家鄉亞齊省行回教法,越行越過份,去到歧視女性,以及唔尊重人權嘅地步,作為亞齊人,我認為印尼中央政府去介入,防止亞齊嘅原教旨主義分子濫用辛苦得嚟嘅自治權胡作非為。另一方面,耶加達有一班人,不斷老屈鍾萬學侮辱回教,要千方百計煽動回教徒仇視情緒,要拉佢落台,而為嘅,正係呢場選舉。

好辛苦,耶加達市民用選票證明咗佢地嘅見識,明確向種族政治、宗教政治說不,如果呢股潮流可以持續落去嘅話,我個人相信,印尼可以走向類似新加坡嘅路,成為一個不問出身,只問能力嘅大國,因為印尼人喺緊要關頭,做咗應該做嘅事。當然,印尼政府同軍方,迅速對果啲煽動分歧嘅膠人採取果斷行動,亦都係要應記一功。如果印尼軍方仲係好似蘇哈圖年代咁愚昧,一早出咗事,唔可能出現鍾萬學連任市長嘅情景。

印尼局勢穩定之後,依家南洋最膠國家,剩番兩個,一個係泰國,但泰國膠極都唔會爆,但另一個係馬來西亞,果啲白痴到爆嘅種族政治同宗教政治,阿水都知道唔work,納吉嘅貪污,簡直係黐線中嘅黐線,如果咁樣膠落去,柔佛、檳城、雪蘭莪呢啲州份忍無可忍,係會走。依家馬哈迪醫生,竟然同林吉祥同盟,甚至連馬哈迪嘅馬仔再益都係民主行動黨,其實係最後挽救國家統一嘅努力,如果馬哈迪唔成功,大馬一散,一定衰過當年印尼多多聲。

我對我家鄉保持一定嘅信心,呢次證明我無睇錯。

後話:有條hihi成日話我爪哇人,對住一個亞齊人話佢係爪哇人,係完全等同侮辱言論。呢啲hihi係唔了解亞齊人為捍衛自治權打咗三十年仗嘅歷史,果條hihi嘅言論,我遲早交去平機會處理。

發表迴響

你的電子郵件位址並不會被公開。 必要欄位標記為 *