UGC-min

石禮謙摑 UGC 李國章式國際化一大巴

石禮謙雖然係土共議員,但有時佢仲有啲正直感,喺民生問題上,做番啲好嘢。好似 UGC 竟然狂收契丹學生就當國際化,呢個問題我們追殺咗好耐,依家立法會政府帳目委員會有報告,就係 UGC 呢種做法唔能夠接受,要搞真國際化,唔該收生多元化,唔好只係收契丹學生就扮國際化。

呢次,石禮謙可以講係摑咗 UGC 李國章式國際化一大巴。

UGC 李國章式政策搞出契丹化

一味將用喺非本地生,甚至本地生資源喺契丹學生身上,拒絕迎接嚟自五湖四海嘅人,一味只收契丹學生,呢種玩法幾時開始,其實就係李國章做中大校長果陣玩嘅把戲,當年李國章點打壓OISP,我依家仲記得,李國章唔做中大校長之後,佢做咗教統局局長,之後成堆李國章啲親信入咗 UGC ,之後 UGC 嘅政策就好似中大咁。依家石禮謙同政府帳目委員會嘅立法會議員肯直斥其非,要求撥亂反正,雖然有啲遲,但好過無,至少大家可以攞住審計署報告,同立法會政府帳目委員會報告,逐條逐條數 UGC 啲衰嘢,睇幾時至肯定改善。

當然,李國章式政策可唔可以撥亂反正,好睇特首選舉形勢,如果繼續由林鄭月娥做特首,李國章式政策想改?難矣。林鄭月娥,係從來唔覺李國章嘅政策有任何問題,呢個好大鑊。高教界民主行動,有五位選委走去提名薯片,雖然攞住罐品客嚟開記者會提名,成個畫面好kai,但我可以理解點解佢地衝出嚟。明天有七位高教界民主行動嘅選委提名胡國興,我個人都唔認為壞事,胡國興有得入閘,一選舉辯論果陣係有嘢好睇,同埋啲選舉茅招有望制住,係有啲作用。當然,唔該,唔好攞住罐胡椒粉搞記者會,上次果五條友已經kai到一個點。

對大專學界嚟講,全力阻止林鄭月娥上台係重要,唔阻止林鄭月娥上台,繼續李國章亂政嘅話, UGC 一定繼續膠。大家諗吓,如果林鄭月娥唔委任李國章做港大校委會主席,而係委任李國章做 UGC 主席,香港各間大學嘅校長真係唔跳海都唔掂。好似張志剛咁嘅人渣垃圾,都可以做 UGC 委員,你就估到林鄭月娥繼續亂政嘅話, UGC 有無可能停止契丹化。

發表迴響

你的電子郵件位址並不會被公開。 必要欄位標記為 *