林兆波

林兆波 變李波

情人節對於選戰嚟講,最多係八卦花絮一部分,無乜理由變咗關公災難。但 林兆波 果封「情信」喺情人節出街後,已經充滿李波嘅味道,仲要有讀者懷疑facebook上果張苦過苦瓜乾嘅相,根本係舊相嚟。 林兆波 下午落街,竟然遇到《眾新聞》記者,好明顯林鄭月娥競選辦公室嘅人,係無諗過有記者喺會景閣連 林兆波 都要問,仲要上埋鏡,如果,就有《眾新聞》facebook發放呢一幕。由於我呢度行Instant Articles,所以我直接將片段嵌入俾大家睇發生咗乜事。

林兆波 係男版鍾無艷?

由 林兆波 訪問嘅表情可以睇到, 林兆波 係萬分無奈,甚至係因為特首選舉需要, 林兆波 至返到香港,喺會景閣同林鄭月娥一齊住。林兆波變咗李波,令人更加擔心,林鄭月娥呢個屋企究竟有無問題,會唔會出現類似梁振英一家變成咗愛登士家庭嘅情況。

梁振英喺選緊特首果陣,都無人知龍蝦係咁難頂,同埋有梁齊昕呢個咁奇特嘅女子(大佬,令梁振英倒台嘅最後一根稻草,仲唔係奇人),選完特首,至知梁振英一家奇過愛登士家庭,膠事多到花生會食到絕種。依家林鄭月娥嘅狀況,明顯比梁振英更差,雖然應該唔會出到梁齊昕呢啲奇人異士,但 林兆波 成日李波咁嘅款出席公開活動,日日提醒大家銅鑼灣書店事件,你覺得中共會覺好好玩。 林兆波 封情書出街果日,已經被人話係李波式情書,依家直頭係, 林兆波 個款愁到好似李波咁。唔通林鄭月娥當選之後, 林兆波 就即刻返北京繼續做人質,李波都周不時喺香港出現,做吓戲喇,更何況 林兆波 ,要佢長期喺北京吸毒氣,好難唔信呢條友實質作用唔係做人質喎。

林鄭月娥成個選舉運動,都充滿柒事同膠事,但依家都可以肯定,林鄭月娥嘅家庭,係佢登上特首寶座嘅其中一條the weakest link,唐英年嘅感情缺乏,固然係好大問題,但後嚟香港市民發現,梁振英果個家庭治理到不知所謂,更加係問題,我依家幾有興趣知道,林鄭月娥一家會製造幾多關公災難出嚟,真係講真,花生隨時又大幅漲價,因為特首選戰至啱啱開始起跑。

發表迴響

你的電子郵件位址並不會被公開。 必要欄位標記為 *