有用的白痴

香港左膠與 有用嘅白痴

一直有傳,列寧恥笑過西方支持共產主義果啲左膠係 有用嘅白痴 ,雖然無文獻證實列寧講過,但由於俄文有類似諺語,去恥笑果啲附和暴政,仲以為自己好正義嘅膠人,所以列寧可能已經恥笑過西方班左膠係 有用嘅白痴 n次,大家唔知。

其實對中共嚟講,香港啲左膠,有部分可能被收買,但有部分,正正係列寧所講嘅 有用嘅白痴 。

有用嘅白痴 對共產黨有用喺邊

共產黨一般嚟講,唔會將 有用嘅白痴 收為已用,因為一旦變成咗共產黨嘅自己人,呢啲天真無邪 有用嘅白痴 就唔再有用,相反變成咗負累,遲早要送返出去。好似斯諾登咁,依家俄國考慮當禮物送俾Trump唔奇,因為斯諾登正係天真無邪嘅 有用嘅白痴 ,佢大爆稜鏡行動內幕,梗係對俄國有用,但呢條友匿藏喺俄國,又唔會幫俄國整番套監視平民嘅系統,仲要養佢,你估普京傻嘅咩。

香港啲左膠,點解對中共嚟講係 有用嘅白痴 ,因為呢啲天真無邪嘅左膠,會為咗佢地信到走火入魔嘅左翼信仰,走去用非共產黨人身份,去背書共產黨嘅邪惡舉動都懵然不知,令好多人唔信共產黨確係邪惡嘅,變相幫咗共產黨一把。喺契丹對港殖民上,左膠一味要捍衛契丹殖民嘅權利,幫契丹殖民營造弱勢形象,變相遏止咗香港人對殖民嘅反抗。同樣嘅,長毛走去選行政長官,你班左膠無喇喇出嚟幫佢,又唔問長毛受邊條粉皮煽動出去派膠,結果你班友變相幫咗林鄭月娥都唔知,林鄭月娥梗係食花生,因為呢啲人,就係林鄭月娥眼中嘅 有用嘅白痴 。

正正因為 有用嘅白痴 ,要利用佢唔係共產黨人嘅身份至有用,所以呢啲 有用嘅白痴 會繼續被人拉,繼續被人打壓,甚至壓多兩錢重都唔怕,因為咁樣至最具說服力,一定唔會拉攏呢班友入政府,你見到民主黨人投共嘅,由劉江華、陳財喜、馮煒光、張炳良、狄志遠,邊個做咗共產黨之後會對成個民主運動有殺傷力?一個都無!由於 有用嘅白痴 一般都唔知自己做緊白痴,甚至大大聲鬧佢地白痴都無用,所以好可能對付有用嘅白痴嘅方法,除非同佢地辯論,指正佢地果啲奇思妙想外,有有效嘅方法,係掃佢地出政壇,等呢啲白痴對共產黨唔再有用。

所以唔只要讀中共黨史,列寧果啲仆街史都要讀,因為中共都係將列寧嘅玩法加加減減。

發表迴響

你的電子郵件位址並不會被公開。 必要欄位標記為 *