9up新聞

9up新聞 嘅契丹五毛係咪有特權去藐視法庭

中共一直想攻擊香港嘅獨立司法,呢個係阿水都知嘅事實。喺七警案判完後,高志森出嚟派膠,應該好快有人要求警察呢高志森係咪涉及藐視法庭。但好似高志森呢啲有名有姓,走去藐視法庭嘅傻人唔多,連時聞香港被我篤爆係劉迺強搞後,都小心咗。但依家真係最大挑戰,係好似 9up新聞 呢啲,連admin乜水都唔知,呢啲往往實質由契丹五毛控制嘅page,至係玩得最失控,可以完全不受控制咁攻擊法官,視香港法律如無物。

9up新聞 反映嘅facebook漏洞

雖然土共用好多中移動喺契丹嘅電話卡,大量製造facebook戶口,但用facebook個人戶口唔可以留啲太激嘅留言,因為被人report就成個戶口玩完,都係會有損失。而facebook可以用page嘅身分嚟留言之後,由於facebook page嘅admin身份係得facebook先知,而page係相對難舉報嘅,所以土共就學咗國民黨嘅玩法,開咗唔少用戶人數唔多嘅page,專門用嚟留低嘅誹謗言論,另一方面,好似 9up新聞 呢類走無賴路線嘅page,梗係有咁盡去到咁盡,要查佢admin乜水都唔容易,同埋就算俾你知道果啲懷疑乜水嘅admin又點,成堆緬甸、大馬戶口,果啲其實係乜人,大家心照。一如國民黨果啲抹黑人唔駛負責任嘅page,最後查出嚟個admin都係呢類馬來西亞人,甚至係幫大榴槤做嘢嘅。

當然,以維護香港司法嘅角度,呢類page始終係要report,而且要一個大人數嘅report。我個人認為,如果香港好似美國咁,有類似憲法第一修正條款嘅法律,禁止政府立法以言入罪,唔會有迪迪尼案呢類膠案,唔會隨便動用不誠實使用電腦罪嘅,基於唔好搬龍門原則,法官任人鬧亦無法嘅,因為法律就係要公平。只不過,依家當政者,郁唔郁就用不誠實使用電腦罪告人果陣,點解我們要任由土共嘅page無理攻擊法官,當藐視法庭吧法律如無物。唔通契丹嚟嘅五毛,就係有特權違反香港法律架。

仲有,呢啲五毛page,好多都涉及未經批准幫林鄭月娥招致選舉開支,特別share果啲非官方林鄭月娥嘅page,應該要認真跟進,全部送晒去廉署處理。

發表迴響

你的電子郵件位址並不會被公開。 必要欄位標記為 *