左膠-英國

工黨變成不受工人階級歡迎政黨:話俾 左膠 啲乜?

一般嚟講,我好少編英國本土新聞,喺香港時間早上時間出街,只不過,呢條可能好適合香港討論。根據英國YouGov嘅民調,工人階級選民,傾向支持保守黨同UKIP,工黨只排第三。依家英國工黨可謂 左膠 當道,對香港 左膠 嚟講,英國 左膠 嘅失敗經驗,可以透視到,點解今日香港 左膠 已經眾叛親離,如果唔係有唔知乜力量扶持佢地,佢地一早喺政壇上消失咗。

左膠 除咗福利,乜都唔識

喺英國工黨嘅黃金時代,特別係艾德黎當首相嘅年代,工黨好多政策,其實係好有效率,例如NHS。甚至工黨為咗保護工人階級利益,可以好「不義」咁犧牲弱勢,例如英國工黨反對加入歐盟(工黨一直係反對,力主入歐盟係保守黨,好鬼諷刺),支持限制移民等等。當然,國有化果啲政策係失敗同硬膠,搞到英國爭啲破產,亦令英國工黨一直無法抬頭,直至參考保守黨主張嘅新工黨出現,工黨至重新執政。但簡單嚟講,英國工黨唔係得 左膠 嘅年代,唔會吓吓只係大愛包容,然後只識得派福利,無視有可能危害社會嘅外來人士。

但依家英國工黨係乜嚟, 左膠 ,一味只識得講埋啲左翼知識分子象牙塔講嘅嘢,無視好多工人階級嘅痛苦,例如全球化搶飯碗,一啲伸手黨國家係咁移民,只係攞福利,加重納稅人負擔,但完全無付出。一味大愛包容,又無重振國家經濟之策嘅結果,就係反正你主流政黨都廢到重振唔到經濟,搞唔掂經濟轉型,咁我自私啲,支持一個最能保護自己利益嘅政黨。所以兩個傳統上代表大商家嘅政黨,竟然變咗工人階級嘅首選。至少保守黨會透過brexit趕走同佢地爭飯碗、爭福利嘅東歐人,呢樣已經好夠。

香港嘅 左膠 其實好不受歡迎,一味只識得全民退休保障,一味偏幫契丹移民,但無視契丹移民只攞唔做嘅局面,或者攞住大堆黑錢恃勢凌人嘅嘴臉。跟住全民想打走林鄭月娥,你班友就明知無勝算,都硬要長毛參一腳落去,隨時幫咗林鄭月娥都唔知,呢班友真係知道工人階級想要乜咩?實際上,佢地係乜叉都唔知。如果英國工黨都變得咁不受歡迎,大家可以估到,未來 左膠 隨時會喺香港政壇消失。英國嘅事例,已經講得好清楚,依家呢個世道,無人想要 左膠 。

發表迴響

你的電子郵件位址並不會被公開。 必要欄位標記為 *