七警案-min

七警案 判決:官軍賊軍主客對易

日本決定明治維新嘅戊辰戰爭中,幕府作為當政者,本來討伐薩長兩藩係理所當然。點知,薩長兩藩取得明治天皇御賜旌旗,霎時間主客對易,幕府軍變成賊軍,成為決定敗局嘅一環。而 七警案 被判有罪, 七警案 被告入荔枝角收押所,懲教人員竟然要怕七警被拍囚衣照,要喺囚犯通道增加膠板,呢一幕,就有如官軍賊軍主客對易。

七警案 表示有罪係警察

一直以嚟,政府反對2014年佔領運動嘅理據,嚟嚟去去都係佔中非法,佔中係破壞社會秩序,所以反佔中係正義,佔中係不義,呢個正義與不義旌旗,喺儒家文化體系裡面平民,一直都好重視。所以,好多所謂沉默大多數,就走咗去支持政府果邊,至少果啲受教育唔多,受舊教育果啲中年人,係咁樣諗嘢。

但佔中相關案件一單接一單,其實好似黃之鋒、周永康嘅案件,只不過係為表達社會訴求,被指擾亂社會秩序,但喺一個尊重人權嘅社會,呢啲抗議事件真係閒過立秋,而且亦無構成實質社會損害,甚至日後成為歷史嘅驕傲,所以法院判係緩刑,判係社會服務令,係咁多。反之,警察犯果啲係乜罪行,至少喺 七警案 ,唔係酷刑罪都好,ABH都係一個執法人員唔應該干犯嘅刑事罪行,政府成日話佔中暴力,但佔中相關案件,都係老屈襲警居多(你教我點樣以胸襲警,呢啲乜絕技嚟),依家,佔中相關最暴力而罪成嘅案件,就係 七警案 ,仲未計朱經緯案,如果照呢單案嘅量刑標準,由於朱經緯毆打途人片段係更清楚,大家估到大概會被檢控乜嘢刑罰喇。

當成個佔中期間最暴力嘅案件,都係警察干犯果陣,事實上,正義一邊反而係佔中果班人,一如戊辰戰爭中,最後代表正義嘅,就係反政府嘅薩長同盟部隊一樣。 七警案 判後,袁志偉領導下TVB不知所謂嘅報導,以至政府呢啲一如做咗虧心事嘅行為,都反映咗,依家官軍賊軍主客對易,梁振英為首嘅政府只係一班賊嚟。簡單嚟講,梁振英集團,以及其後繼人,唔會再有管治權威,如果戊辰戰爭果陣幕府軍叫朝敵嘅話,咁佔領期間鎮壓人民嘅警察,可稱為民敵,跟住市民繼續係咁數休班警、當更警、輔警等犯罪數字嘅話,香港警察就嚟權威墮落去番有牌爛仔嘅時代。

發表迴響

你的電子郵件位址並不會被公開。 必要欄位標記為 *