海怡半島

海怡半島 港鐵站大水浸,搞乜

今天天氣乾燥,加上各路人馬係咁抽水,正常嚟講,香港無變沙漠都算係咁。但港鐵 海怡半島 站,就因漏水頓成澤國,搞到全站封閉,前往 海怡半島 乘客要乘坐免費接駁巴士由利東到 海怡半島 。如果我係 海怡半島 嘅乘客,真係搭番590都無咁嬲。

海怡半島 站無理由大水浸

海怡半島 唔係舊嘅港鐵站,佢係最新一批投入服務嘅港鐵站,加上 海怡半島 又唔係乜嘢地質奇怪嘅地方,無理由可以水浸到水舞間嘅程度,一個新車站玩到變水舞間,唯一合理解釋,好可能就係有人偷工減料,結果出咗事。

海怡半島 站嘅建築工程,並唔係契丹資本嘅建築公司建造,而係澳洲嘅禮頓公司,同埋賀隆公司聯營,所以,建築公司表面上係無問題,但依家要進一步追查幾件事,搞清楚點解 海怡半島 站喺情人節放工時間玩水浸咁膠:

  1. 海怡半島 站出事嘅地方喺邊
  2. 出事嘅地方嘅建造工程外判咗俾啲乜人?
  3. 出事嘅地方用嘅物料,究竟喺邊度製造
  4. 港鐵監督建造工程工作有無問題

由於海洋公園站同利東站都係禮頓負責,如果係物料出事,好可能成個南港島線都會出事,依家天氣乾燥到咁都可以咁膠,如果雨季豈不是膠到無朋友,屆時你叫南區居民仲有信心搭你港鐵?所以呢件事一定要查清楚,無論為 海怡半島 居民嘅利益,定係為成個南港島線居民嘅利益。

只不過,呢次 海怡半島 嘅區議員有無牙力追到底,我個人俾個大問題,利東兩位民主黨區議員,我唔擔心,但 海怡半島 選咗乜區議員出嚟,一個係新民黨嘅陳家珮,一個係親土共林啟暉,呢啲友仔同政府打龍通,幾有心去追一件事,我個人好懷疑。特別係陳家珮,呢條友出賣居民啲紀錄都有唔少,喺商場規劃問題上,大家都領教過陳家珮有幾仆街,小罵大幫忙可以追到事實真相,發夢喇。

其實 海怡半島 居民,最應該要怪黑警,如果唔係有成堆黑警宿舍,再加啲共產黨投資嘅單位, 海怡半島 會搞到土共肆虐。我呢度順便提醒啲黑警親屬,你支持政府?你支持啲垃圾做區議員?咁你班繼續準備港鐵站因水浸而封閉喇。

仲有,果啲新港鐵站,個個都可能有鑊氣,各位睇實啲好啲。

發表迴響

你的電子郵件位址並不會被公開。 必要欄位標記為 *