梁振英-831

梁振英 要為張德江假傳聖旨到幾時?

如果講林鄭月娥助選團成員,最有份量應該係行政長官 梁振英 。當曾俊華、胡國興同葉劉淑儀,都暗示可以移走831框架,為進一步政改鋪路果陣, 梁振英 走出嚟,聲稱中央政府無任何跡象,會移走831框架,堅持要玩假普選。

梁振英 自以為自己係欽差大臣

梁振英 自以為自己係欽差大臣,當香港人係傻。如果林鄭月娥嘅對手,只有泛民候選人,咁你 梁振英 出嚟話無跡象會移走831框架,都仲有啲人會信,問題係,林鄭月娥依家嘅對手,包括曾俊華同葉劉淑儀,你估呢兩條友無自己嘅網絡接上北京,同共產黨摸底831有無得改。共產黨要飄移龍門都好勁,只要香港人持續喺政改上加強壓力,北京要改831框架,甚至同831框架搬龍門有幾難,講磁浮龍門,共產黨一定唔弱得過左膠。況且玩真普選,只要共產黨仍然有一定嘅銀彈喺香港,以泛民依家果種水平,都仍然有機會全勝,並令泛民嘅力量不堪一擊,你 梁振英 駛鬼急急扮係中國共產黨喺香港嘅代理人。

其實講到尾,梁振英依家係緊跟張德江定落嚟嘅路線,以最緊嘅方法管治香港,將香港儘快一國一制化後,再搾乾香港人啲錢,張德江呢啲北韓學生,除咗呢啲北韓式仆街嘢,仲識啲乜嘢?問題係,以江習之爭嘅大形勢,張德江將會係下一波嘅鬥爭對象,呢個應無懸念,當張德江被鬥走果陣,佢主導嘅香港政策路線,以及任用嘅香港政策人馬,都會同時一併被鬥走,而作為佔領運動導火線嘅831框架,更加可能被鬥走,而好似梁振英咁忠實執行張德江路線嘅人,亦可能被鬥到底,例如UGL案攞出嚟起訴。

當然,林鄭月娥贏咗,香港人嘅痛苦一定延長,呢個無庸置疑,因為呢個會拖延鬥垮張德江嘅時間,而依家梁振英如果以為林鄭月娥繼續坐落去,就可以保住佢唔會被鬥垮,我無就無咁樂觀。林鄭月娥都係一個無情無義嘅人,林鄭月娥如果見勢色唔對,立即轉投另一邊陣營,並同將梁振英當成大禮送俾新嘅管理層,呢個又有乜出奇,呢啲梁振英做唔出嘅嘢,林鄭月娥做得出。屆時我留名食花生,依家睇起嚟好威嘅梁粉,佢地最後嘅下場會係點。

發表迴響

你的電子郵件位址並不會被公開。 必要欄位標記為 *