金正男-min

金正恩暴走 金正男 大馬遇刺

稍知北韓局勢都知,契丹作為北韓實質宗主國,一直唔係想扶立金正恩,而係扶立 金正男 ,由於扶立 金正男 失敗,至一路俾佢流亡到澳門,甚至香港,最近再去到馬來西亞。只不過,今日韓聯社突然爆出消息, 金正男 喺大馬遇刺,仲要係用蘇聯風味嘅手法,搵兩個女特工,喺吉隆坡國際機場用毒針刺殺 金正男 ,局勢隨時急轉直下。

金正恩權力不穩,殺 金正男 強挑橫鄰

金正男 之所以流亡馬來西亞,因為馬來西亞納吉政府,一直係中共嘅走狗,理論上,只要馬來西亞做嘢妥妥當當,再加上契丹國安人員無失拖, 金正男 喺馬來西亞好安全,唔會似澳門咁,隨時唔知邊個幫會成員收咗金正恩錢走去做瓜佢。而理論上,金正恩殺咗 金正男 係好大件事,因為 金正男 始終係契丹政府支持嘅金家成員,如果金正恩做瓜咗 金正男 ,同挑戰契丹政府喺北韓嘅權威無分別,咁係會出事嘅。

只不過,由於金正恩越嚟越管唔掂北韓,北韓有啲腦嘅人,都千方百計想著草走人,北韓政權不穩嘅情況下,契丹為咗保住北韓呢個東北疆土緩衝區,好可能搵 金正男 取代金正恩,屆時金正恩乜都唔係。所以金正恩怕呢一點,決定先發制人,做瓜咗 金正男 先,睇契丹會搵到邊個金家成員接位,同埋邊個金家成員仲敢聽契丹命令,我可以講,呢件事之後,如果契丹無任何強硬回應,北韓已經唔再係契丹控制之內,金正恩想點玩就點玩,你完全無佢符。

對於好多鍾意去漢城吃喝玩樂嘅香港人,金正恩咁暴走絕對係天字第一號壞消息嚟,因為金正恩喺權力不穩嘅情況下,會唔會開始亂咁舞,例如亂射導彈,射到遼東半島又得,北京又得,東北三省境內又得,射去日本又得,射去南韓控制延坪島又得,射去坡州又得。依家朴謹惠已經無法控制政府,出現權力真空情況,金正恩依家唔玩幾時玩。咁樣特朗普上台,一定同你金正恩玩過,成個東北亞仲唔亂過亂世佳人?你契丹都控制都保唔住金正男,南韓唔安裝薩德導彈,你講咩。美國依家係有極充分理由加強防衛日本同南韓,因為你金正恩發緊癲,契丹呢鑊真係多得金正恩唔少。香港人仲去漢城玩?隨時無預警遇上戰火都唔識走。

我一早喺《聯合早報》講過,要有秩序俾朝鮮半島統一,呢啲戰略建議唔聽,一路拖落去,依家咪拖出硬膠。呢啲膠,契丹政府絕對有責任囉。

發表迴響

你的電子郵件位址並不會被公開。 必要欄位標記為 *