七警-min

警務處長無理由依家仲出糧俾 七警

七警 案宣判之後,公眾最關注係,呢 七警 究竟仲出唔出納稅人嘅糧。

警務處長無理由濫用特權出糧俾 七警

喺宣判前,由於受限於《警隊條例》第十七條,對候審期間警員薪酬嘅保障,所以 七警 至少支取一半薪酬。雖然大家好憎 七警 ,但既然法例明文寫咗呢啲勞工權益保障,咁就無乜理由要求唔出糧。係啲土共至會搬龍門,應該唔出糧俾游蕙禎同梁頌恆兩位國會議員係合理,甚至要追番啲糧,我們唔學呢班智慧有如非洲食人族嘅土共。

但依家係定咗罪,定咗罪嘅警員薪酬係點處理,根據《警隊條例》第37條:

  • (4) 任何警務人員如就刑事罪行被控,且經法院在刑事法律程序中裁斷有關控罪獲證實,則由作出該項裁斷當日起,該人員不得獲付薪金或津貼,但如處長批准付給該等款項則除外。
  • (5) 任何警務人員如就刑事罪行被控,且經法院在刑事法律程序中裁斷有關控罪獲證實,而該人員就該等法律程序提出的上訴或要求覆核的其他申請被駁回、放棄或撤回,則─(a) 如該人員為確實任用的督察,則在其任用條件的規限下,可由行政長官在褫奪退休福利的情況下予以革職、在保留所有退休福利或保留經扣減退休福利或褫奪退休福利的情況下迫令退休、降級或降回原職或施以較輕的懲罰;及(b) 如該人員為─(i) 並未確實任用的督察;或(ii) 非委任級人員;或(iii) 警員,可由處長在褫奪退休福利的情況下予以革職、在保留所有退休福利或保留經扣減退休福利或褫奪退休福利的情況下迫令退休、降級或降回原職或施以較輕的懲罰︰

依家好明顯,警務處長濫用特權,利用第37條第4款特殊權力,繼續向已被定罪 七警 支薪至上訴結束,請問有乜重大公眾利益可以容許警務處長動用呢項權力,呢項權力嘅動用,以我了解,其實係針對一啲臥底任務失咗手,而被迫干犯刑事罪行,無法向律政司司長請求不予起訴情況下,作出特殊寬待用。既然法官係以還柙形式,處理判刑前 七警 ,反映罪行嚴重性,咁有乜理由警務處可以繼續出糧。

我依家最怕梁振英條變態佬,或者林鄭月娥上台,濫用第5款權力,以施以較輕懲罰方式繼續保留職務,你估梁振英做唔出呢啲咁嘅事。所以公眾要明確向政府反映兩點:

  1. 市民明確反對根據《警隊條例》第37條第4款繼續出糧俾 七警
  2. 行政長官必須喺上訴完畢,仍然定罪情況下,以褫奪退休福利情況下予以革職或退休

呢個政府,真係睇少一陣,都會亂嚟。

發表迴響

你的電子郵件位址並不會被公開。 必要欄位標記為 *