高志森-藐視法庭-min

高志森 涉嫌犯藐視法庭罪,律政司做唔做嘢?

雖然普通法下犯藐視法庭嘅情況好廣泛,由唔守法院禁令,到亂鬧法官,都係藐視法庭嘅範圍。但人身攻擊同亂鬧法官嘅案例最為清晰,罰得最重。只不過,土共仍然有膠人走去以身試法。 高志森 喺暗角七警案判決後,亂咁誹謗法官,就好大機會中藐視法庭。

高志森 憑乜鬧人狗官

喺評論一單案嘅量刑,或判決恰唔恰當,其實最好方法,係以法論法,好似左膠批評點解法官唔判GBH罪成,咁曾健超無流血,又無斷手斷腳,一般去到開山刀劈手劈腳,又唔睇唔出有意圖攞命就告GBH。ABH已經係最穩當判刑,當然,左膠唔識法律,唔識法律亂評一通,只係膠啫,本身唔係罪行嚟。

但 高志森 依家講緊乜,我拆開幾個元素,已經可以斷定成單案,律政司應該循藐視法庭去跟進

  1. 黃絲法官偏幫亂港反港份子:你 高志森 有乜證據證明法官有政治傾向,你要評論一個法官有政治傾向,你要需要好多案例,而且係一啲道理都無,判刑欠妥嘅荒謬至極案例,去到杜浩成、陳碧橋呢啲級數至可以,仲要立論果陣都要小心。 高志森 單係呢句,已經係誹謗法官。
  2. 本土港獨暴徒縱火、打警察、破壞公物,狗官就輕判、甚至判無罪,實在偏頗至極。: 高志森 嘅言論根本與事實不符,曾健超係公民黨員,何來本土、港獨,甚至連暴徒都唔係。仲有,曾健超有涉及縱火、破壞公物。呢啲指控根本係groundless,你話係唔係應該循藐視法庭罪檢控。

如果無人做嘢嘅話,我認為大家應該報警,正式取得RN Number,睇警方調唔調查 高志森 嘅藐視法庭言論。依家有人講咗膠嘢,唔通可以甩身?法庭嘅判決係可以評論,呢個係《基本法》同兩份人權公約下保障嘅言論自由。但呢度唔係美國,美國有美國憲法第一修正條款保障,就算你誹謗法官政府都無法郁你,但呢度係香港,香港仲係跟澳紐比較緊嘅藐視法庭案例,換言之, 高志森 講啲咁嘅嘢,如果警方唔查,律政司司長唔告,我想知道政府係咪打算縱容藐視法庭,達致扼殺香港司法獨立嘅目標。任何人如果想用文革手法去扼殺司法獨立,公眾絕對唔應該放過佢地。

發表迴響

你的電子郵件位址並不會被公開。 必要欄位標記為 *