林鄭月娥-李波式情書

林鄭月娥 嘅 李波式情書

選戰適值情人節,除咗葉劉淑儀,大部分候選人都可以放閃嘅。曾俊華老婆果段video引嚟大量like and share,跟住 林鄭月娥 有樣學樣,以為出張自己同老公林兆波嘅合照,加情書,就叫放閃。

點知,成件事大家只會諗起李波喺鳳凰衛視,喺脅迫之下話自己偷渡返契丹果個荒謬情景,我叫 林鄭月娥 嘅情書叫李波式情書。

林鄭月娥 嘅人格缺陷表露無遺

林鄭月娥 自打選戰以嚟,除咗果啲膠到無朋友嘅堅離地事件外,成個選戰最大嘅困擾,莫過於大家覺得佢送自己丈夫同子女去北京做人質,如此狼死嘅表現,大家覺得佢好無人性,再加上傳聞遮打革命期間,係主張開槍果個,所以大家認定佢係689 2.0或女版689。事實上,如果 林鄭月娥 嘅夫妻關係差劣程度同梁振英差唔多嘅話, 林鄭月娥 登上大位後搞出膠事,係唔會有人感到意外。所以曾俊華陣營喺情人節前夕放一段甜到漏嘅影片,同埋喺眾籌整情人節別注版badge後, 林鄭月娥 就變左東施,有樣學樣。

但 林鄭月娥 團隊成班友,好明顯係連揀相都唔識,林兆波個樣真係苦過苦瓜乾,大家好自然諗到,喺政治權力當前嘅情況下,林兆波被迫同 林鄭月娥 影呢張相,不單未有達到預期效果,相反,只會加強 林鄭月娥 果個無人性嘅形象,大佬,寫情書都講政治, 林鄭月娥 愛佢老公,定係已經變咗共產黨員,要時時刻刻思念黨,講政治,成為黨嘅政治尖兵?喺梁振英之亂五年後,香港人對呢啲無人性政客已經相當之怕怕,依家又嚟個 林鄭月娥 ,香港人幾乎可以走出呢啲無人性人渣嘅魔掌。 林鄭月娥 應該對自己喺公眾形象之差無概念,以為學張曉明講攞夠600提名票就係神仙。(張曉明自己都係一個唔怕柒嘅土豪喇,果句太陽如常升起乜撚嘢嚟?)

唔知今日葉劉淑儀會有乜表現,只不過,有 林鄭月娥 嘅李波式合照墊底,葉劉淑儀相信今年唔駛做最衰果個,只要今日無人share葉劉淑儀啲嘢,佢都可以避免成為「情人節之星」。打特首選戰爭取民望其中一個方法,就係避免做林鄭月娥會做果啲嘢,因為基本上,林鄭月娥做鬼晒所有你想像唔到果啲膠嘢,呢次選戰之星,好大機會由 林鄭月娥 奪得。

發表迴響

你的電子郵件位址並不會被公開。 必要欄位標記為 *