暗角七警-min

暗角七警 裁決反映咗啲乜?

喺龍和道毆打曾健超嘅 暗角七警 ,今天全部被區域法院裁定ABH(Assault occasioning actual bodily harm,英國1861年侵害人身罪法令下罪行,香港侵害人身罪條例第39條),即時還柙無面俾。

暗角七警 對香港警察嚟講,係重大警示

暗角七警 話俾大家聽執法期間犯法好大鑊

暗角七警 案嘅判決,其實係重申廟佳桑拿案嘅判決,喺工作期間所犯嘅任何罪行,都係罪行,而呢次其實提醒啲差佬有幾樣嘢,好多人都忽略咗,你如果你係差佬,你自己諗:

  1. 暗角七警 案無實質有份打人嘅花生友,一樣判ABH有罪,點解係咁,因為香港仍然有joint enterprise(夥同犯罪)呢個概念,你身為執法人員,見到同袍打人唔阻止仲食花生,唯一合理解釋就係你班友係一黨。我可以講,下次如果有仆街同事打人,你唔想上身,你可以做,一係制止佢,一係搜集證據,去舉報佢,你班友係無食花生嘅權利。
  2. GBH係難告入,朱經緯案可能比較適合用GBH告,但ABH呢,只要有表面傷勢都中梗,呢個同一般刑事案件嘅標準相符,即係咁講,你班友只要打過人留傷勢,你都準備至少坐番一兩碌。

梁振英同當年警務處長曾偉雄,以為任由警察濫用私刑可以對付異見者,但後果係相反,依家係令警隊形象大挫,同時折損七名警員,而且一定有更多涉及遮打革命期間嘅案件攞去告,我可以講,如果有人攞啲亂噴胡椒噴霧嘅案件去告,仲罪成,你班友仲大鑊,非法使用槍械加ABH,簡單嚟講,好多差人都有潛質成疑犯,當更警喺警察犯罪大賽度應該獲全場總冠軍。

依家有一件同 暗角七警 有關連嘅事,同一件表面上無關連,但都係遮打革命期間有關嘅事

  1. 決定俾 暗角七警 案直播嘅何永康,被袁志偉條賤人炒咗, CCTVB 係咪應該賠俾何永康,甚至要讚揚何永康,與此同時,要炒咗袁志偉(其實香港人比較想袁志偉切腹,袁志偉同吳克儉可謂金文泰中學校史兩件大敗類)
  2. 朱經緯案,幾時檢控,照 暗角七警 案判決,明明會成功檢控嘅案例,你政府唔檢控?律政司司長擺明包庇朱經緯?朱經緯夠鐘去坐監喇

呢次 暗角七警 案係一個里程碑,警察仲要膠落去嗎?條路自己揀,仆街唔好喊,都係果句。

發表迴響

你的電子郵件位址並不會被公開。 必要欄位標記為 *