mtr-保安

MTR 唔應該學新加坡隨機搜袋

有啲政客,弱智係無得救,even佢做過鐵路公司主席。 田北辰 正係表表者, 田北辰 要求車廂全部裝閉路電視,以及進行車站隨機搜袋。因為我知土共政客有幾弱智,所以我喺今日《蘋果日報》文章,已經出手話CCTV係唔可行。對於一個熟悉新加坡嘅人,我可以講, 新加坡果套隨機搜袋,香港係行唔通。

MTR 人流太多,亦無必要

新加坡地鐵車廂實有閉路電視,亦有隨機bag search,原因係新加坡根本係長期飽受恐怖分子威脅,差啲成個宏茂橋MRT被恐怖分子炸到爛晒,新加坡有「自我激進化」嘅回教恐怖分子(self-radicalization),所以新加坡至迫住行啲咁辣嘅措施,而且呢個措施係好影響鐵路系統嘅營運效率。同埋,一旦發現堅嘅恐怖分子,新加坡因為全國男丁大部分都係服兵役,幾乎可以即時出手制止恐怖分子(見到恐怖分子,NSMen可作即時on duty論),喺香港,我恐怕你search到有炸彈,你港鐵都無人可以即時作出反應,個炸彈已經炸咗,因為自殺式恐怖分子,唔怕死,只怕被拉。

香港無自我激進化嘅回教恐怖分子,又唔係新加坡咁,印尼同馬來西亞啲恐怖分子話嚟就嚟,香港又無兵役,一旦發現堅恐怖分子,根本係無足夠人手作出即時反應,其實東京嘅方法最適合,就係加強對以下問題嘅宣導:

  1. 留意無人看管行李,並作即時舉報
  2. 火警演習及逃生宣導影片,呢樣新加坡係有做,香港有做,但唔夠多
  3. 滅火筒使用方法宣傳影片

反而呢排,多派軍裝警員巡邏,呢個係無壞嘅。

受中共影響嘅華人,喺反恐戰略嘅最大問題係,成日攞反恐為名,其實為自己侵犯民權合理化。呢個世界唔係太多好似新加坡、漢城嘅地方,因為地緣政治問題,連機場、火車站等都會出現荷槍實彈嘅軍人。呢種長期緊張嘅形勢,其實對一個地方發展都不利。點解新加坡政府已經做得好好,仍然有好多人移民,因為就算新加坡未來走向兩黨政治都好,呢種長期守衛森嚴嘅氣氛,係好難好舒服咁生活,南韓都有類似問題,所以好心,田北辰唔識咪亂吹,亦唔駛請教希師奶,因為佢係嚟亂嘅。搞番好基本戰略或戰術問題先。

發表迴響

你的電子郵件位址並不會被公開。 必要欄位標記為 *