國家安全

國家安全 與民主政府

特首選舉引起咗對《基本法》23條嘅爭論,而曾俊華同胡國興都同意,係要搞好咗普選,至為《基本法》23條立法。其實對當代 國家安全 法律有啲常識嘅,都知道2003年,甚至依家都唔應該就《基本法》23條立法,直至香港成為一個真正嘅議會民主政體為止。]

捍衛 國家安全 等於捍衛民主至有意義

我故意攞英國MI5嘅徽號出嚟,MI5徵號,除咗頭頂有皇冠外,仲貫穿住英國國會嘅徽號,其實MI5成立目標好清晰,就係捍衛英國君主立憲體制下嘅議會至高無上主權,亦即成個英國嘅民主制度。有民主制度,至要講 國家安全 ,因為怕野心家,或者一啲獨裁政權,威脅由人民共同擁有嘅國家主權,呢個至係唔少國家嘅內部安全部門嘅職責所在。如果無民主政制,呢啲至高無上權力,好容易淪為政權嘅爪牙,其實係好得人驚嘅一件事嚟。所以當代德國嘅內部安全部門,就叫做憲法保衛局,其實目的十分清晰,就係免德國民主政體重蹈覆轍,落入野心家心上,為非作歹。

所以無真普選去立《基本法》23條,後果顯而易見,就係無制衡嘅當政者會濫用呢個機器,最終令公民權利受到損害。依家曾俊華同胡國興,都係真普選先於《基本法》23條,胡國興更提出《基本法》22條立法,明文抗拒契丹中央以及各級政府胡亂干預政事,呢個係更加加強保障。我對葉劉淑儀係無期間,一個學晒Home Office果啲技能,但唔學Home Office維護英國國土安全,以及本土利益嘅宗旨,我覺得呢條友都係算吧。林鄭月娥竟究對《基本法》23條有乜立場,係唔係無真普選唔立《基本法》23條?呢個反而要她向香港人交代清楚。

有一點,其實華人要注意,喺西方,公然組織民兵之類搞國土分裂,可能係犯法,但以和平方式分裂國家,呢個係公民權利,亦係鼓勵,歐洲好多國家都係分久必合,合久必分,但無論魁北克定蘇格蘭,都係舉行過唔少次公投,去決定分裂國家,但最後因民主嘅緣故,反而國土分裂未因此發生。港獨喺西方概念,只要鼓勵嘅方法係和平嘅,完全無禁止嘅理由。

發表迴響

你的電子郵件位址並不會被公開。 必要欄位標記為 *