內容農場

齋靠廣告嘅網媒好易變 內容農場

自己做內容,當然慢慢知道啲廣告收入可以點嚟,除咗驚啲契丹同俄國clickfraud黨,如果係做好SEO,其實廣告收入係可以好穩定,even Google Adsense一類嘅programmatic adv。但programmatic adv呢個營運模式,其實某程度上,就係 內容農場 嘅元凶。

內容農場 同programmatic adv關係

撇除垃圾內容不論,以SEO角度,其實幾個內容農場係做得幾實淨,呢個係有解,因為 內容農場 係靠廣告賺錢,而adsense或facebook instant article派traffic,其實都係基於算式,當GOogle或facebook發現某啲keyword突然好多人search,或者有可能好多人search,推算到成一個trend果陣,就會派traffic到newsfeed,或者喺search result ranking按既定算式突然提升排名,跟住人流多,你啲廣告自然多,件事就係咁解。

所以對大榴槤系統嘅 內容農場 ,佢地唔在乎挑動各地矛盾,佢地只在乎多唔多人睇,所以港鐵尖沙咀縱火案,警方都未話元凶係邊個,大榴槤班仆街就夠膽亂吹同iPHone 7有關,因為縱火案加iPHone 7係最大收益嘅組合。

programmatic adv由於係好多傳媒嘅基本收入,結果好多傳媒日後揀新聞準則,走向比市場主導模式更離譜嘅純SEO主導,純SEO主導下,啲新聞梗係作得有咁過火得咁過火,反正好難查出網主真身,當facebook block佢,google penalize果啲網站果陣,佢地已經賺咗好多錢走人,至於社會後果?你同班無名無姓嘅五毛講新聞道德,咪玩喇。

所以我呢度雖然如果靠廣告營運,照未來趨勢,只要我跟足facebook嘅變態要求,係可以嘅,但亦好容易走火入魔,變咗 內容農場 ,同埋變咗facebook主導編輯權,呢個係好唔健康,所以遲一兩日,寫埋BNO居歐權系列嘅文,我就寫SEO文係收費,亦會有新日本生活文係收費。亦持續鼓勵捐助,甚至月訂,因為我自己都感覺呢種做法好唔健康(24×7都要寫都夠攞命)

發表迴響

你的電子郵件位址並不會被公開。 必要欄位標記為 *