831決定

831決定 根本係偽命題

喺曾俊華將政綱裡面 831決定 描述部分抽走,改為無前提下嘅政改諮詢,葉劉淑儀為咗爭泛民入閘飛,有樣學樣,都刪去 831決定 相關嘅描述,換言之,依家只剩番林鄭月娥係堅持要有 831決定 。

葉劉淑儀抽走 831決定 部分唔係無料到

如果唔講 831決定 會被北京 DQ,我相信唔計唔受北京控制嘅胡國興,全部候選人老虎魚蝦蟹都要死撐 831決定 。但依家似乎係 831決定 ,甚至當初為咗對付游蕙禎同梁頌恆嘅人大釋法,好可能係北韓大學生張德江自己嘅決定,只不過,當時習系唔知控唔控制到香港政府,亦無法阻止張德江係咁將人大呢個橡皮圖章亂咁舞。

但依家習系知道民意所在,就唔同講法,應該有人同北京方面探過路,唔提 831決定 係無問題,至抽走呢部分,而且一定同統監府班友無關,如果係統監府幕後老闆決定抽走 831決定 ,咁林鄭月娥一早就否決咗 831決定 ,而當 831決定 消失果陣,長毛出戰嘅戰略合理性就更加成疑問。簡單嚟講, 831決定 係一個偽命題,係張德江同梁振英呢啲極左派至當佢係寶。

某程度,呢次再次證明《成報》漢江泄後面果條友,並非一般泛泛之輩,漢江泄同《成報》都應該係習系喺香港嘅炮台,而呢個炮台嘅責任,就係鬥垮鬥臭對家喺香港嘅任何嘢,所以依家習系對香港嘅做法好有彈性,當然,我唔係話習系係好人,但至低限度,喺依家呢個階段,習系同江系大亂鬥,係越亂越好,對香港有好處。

如果係江習大亂鬥,其實大家俾曾俊華、葉劉淑儀入閘仲有一個好處,就係呢兩個人手握唔少政府內幕,如果佢地喺選舉辯論期間大爆內幕,花生果然會漲價,亦都有助削弱契丹喺香港嘅統治權威,同2012年,唐英年大爆梁振英干預商台發牌,同埋要打算用防暴隊對付反《基本法》廿三條民眾,幾乎闖出大禍,果次唐英年狂爆料,令2014年佔領運動,香港政府表現投鼠忌器好多,雖然放咗八十幾個催淚彈,但由於港人早有心理準備,反過嚟令佔領運動尾大不掉,呢個係梁振英當初無諗到。

長毛因為無政府機密料,佢就發揮唔到呢個作用。

發表迴響

你的電子郵件位址並不會被公開。 必要欄位標記為 *