曾俊華-馬拉松

曾俊華 敢同馬拉松選手握手 ,長毛呢?林鄭月娥呢?葉劉淑儀呢

有無民意支持,除咗睇眾籌,仲要睇一個政客敢唔敢走入民眾。有自信,有民意支持,係唔怕走入群眾。今日 曾俊華 用行動證明咗,佢嘅群眾基礎好厚實。今日 曾俊華 喺渣打馬拉松金鐘龍和道路段同選手打氣果陣,直頭facebook live,證明佢嘅人氣係堅。

曾俊華 通過「黃子華測試」

黃子華棟篤笑雖然有好多係純粹抽水笑話,但有部分笑話,係規律嚟,並唔係笑話,最經典,當推以下呢句。

如果你可以唔帶保鏢單人匹馬行入大型屋邨又行得番出去,我支持你終身做特首

當然長毛長期出入大型屋邨,佢本來比林鄭月娥同葉劉淑儀屈機,但以依家政治局勢而論,如果梁國雄係有心爭取公民提名,點解佢唔現身渣打馬拉松會場,好多參與渣打馬拉松,都係傳統支持泛民嘅中產,依家係 曾俊華 走入群眾,你就無走人群眾,你要群眾俾你公民提名,公民提名真義係群眾,我唔知長毛憑乜認為已經離地嘅佢,可以點攞到公民提名。

呢次 曾俊華 出其不意嘅live,就反映到林鄭月娥打copycat選戰嘅劣勢喺邊,有啲嘢,係無得抄,只能做一次,時機過咗就無,好似渣打馬拉松,一年得一次,蘇州過後無艇搭,明年請早。林鄭月娥班友,一直等運到, 曾俊華 佢做乜,就做乜,問題係, 曾俊華 早上至同你live,你林鄭月娥住喺會景閣都唔知要落去幫渣打馬拉松嘅跑手加油,呢啲狗屎垃圾團隊,真係以為自己有張德江欽點大晒,如果根據黃子華測試,我睇怕林鄭月娥一個人去大型屋邨,無被人冚麻包袋打一身,算佢好彩。

至於希師奶唔去,我又理解,因為佢一去一定噓聲四起,兼且有大量嬲嬲豬出現。葉劉淑儀只不過係比例代表制下,中聯辦力護之下當選嘅政客,陳太同佢決戰嘅意義係,只要單議席單票制捉對廝殺,你贏唔到泛民嘅人,你嘅民意基礎都係假嘅。葉劉淑儀幾時至明白,佢只不過係共產黨當佢避孕套咁用,香港市民憎到佢入骨嘅一件沙包。

胡國興唔去,我唔怪佢,佢畢竟年事已高,同埋佢走入屋邨唔會有問題,胡國興人氣唔夠一直係致命傷,但亦係救唔到。佢提出《基本法》22條,呢個貢獻已經好重要,長毛係連《基本法》22條立法都無提。

發表迴響

你的電子郵件位址並不會被公開。 必要欄位標記為 *