曾俊華-泛民-min-2

曾俊華 同泛民合作障礙再掃走多一啲

自 曾俊華 公布政綱以嚟,由於 曾俊華 政綱無明確否定831決議,又講到基本法23條問題,跟住長毛喺唔知邊啲過氣政棍煽動下又話要出嚟選,同埋林鄭月娥好似攞到好多提名飛咁,好多人都怕 曾俊華 入唔到閘。今天 曾俊華 上商台節目果陣,表示會鬆口,而鬆口內容有兩點。

  1. 佢無信心《基本法》23條立法2020年前完成
  2. 政改諮詢無前提,港人意見佢會反映,要求中央靈活處理

面對玻璃心嘅契丹共產黨人, 曾俊華 已經係講到最盡。

曾俊華 畫公仔畫得好出腸

其實我之前都分析過, 曾俊華 提23條政綱嘅意圖,係話俾北京知佢打算hea做,但hea做之餘係會有啲實質嘢,但泛民嘅支持者,有部分係真心膠,有部分長毛果邊嘅人,就係扮真心膠嘅假膠,依家真係畫公仔畫出腸,2020年都立唔到,2020年中國共產黨仲存唔存在都成問題,拖時間等支爆呢個原則,相信大家都唔會點反對㗎。

如果明文反對831,即係 曾俊華 自己DQ自己,唔駛玩,你估長毛咩,擺明出嚟鎅票又唔認。依家好簡單,諮詢無前設,831呢舊屎由北京自己處理,當然,如果果陣張德江已經住緊秦城監獄嘅話,831決議問題一定唔係問題,屆時中國共產黨一定左扭右扭,大家都知搬龍門嘅老祖宗係中國共產黨。屆時中共要按政治形勢搬龍門,點搬都得。

其實 曾俊華 畫公仔畫得好出腸,點解畫得咁出腸,就係俾打算提名曾俊華泛民選委一個可以走動嘅空間,泛民嘅人注重政治光環,已經變成一個政治負擔,基本上,呢啲光環原教旨主義問題,導致唐梁之爭果陣,泛民唔肯幫唐英年擊退梁振英,結果大家有眼見。當然,當時唐英年都唔識得要俾一份點嘅禮物泛民,求取政治信任。依家至少好似薩長同盟果陣,薩摩藩第二次見長州藩果陣,有準備好長州有利嘅交易籌碼,薩長同盟方能成局。比起豬狼大戰後段,依家 曾俊華 識得釋出善意,泛民選委總之人數上湊夠俾曾俊華入閘,應該係可以做得到,再分啲飛俾胡國興,提名無乜問題。

至於長毛,佢都係退吧,你睇到曾俊華今日喺龍和道嘅人氣,你咁樣對抗群眾只會滅黨收場,你個黨減咗,果啲政棍係唔會找數。

發表迴響

你的電子郵件位址並不會被公開。 必要欄位標記為 *