狄志遠-min

狄志遠 食相真相真係沒有最核突,只有更核突

喺我們呢啲lesser evil派,為咗阻止梁粉持續暴政,力擋膠人果陣,有啲泛民叛徒為支持林鄭月娥,可以講啲嘢核突程度,可以講係,沒有最核突,只有更核突,而果位泛民叛徒,就叫 狄志遠 。

狄志遠 無資格講政治倫理

我唔係原教旨主義分子,如果有人由土共投向泛民,大家應該保持歡迎態度,但如果有人由泛民叛逃到土共,大家一定要堅決鏟除呢啲政棍,而 狄志遠 正係呢啲政棍。如果 狄志遠 咁講政治倫理,點解佢要搞新思維,同土共暗通款曲?唔通由泛民走到土共,閣下又好有政治倫理。作為民主派支持者,我無話 狄志遠 應該切腹自盡,我已經俾夠面 狄志遠 架喇。

事實上, 狄志遠 突然投稿俾香港01,做法亦實在太核突,真係沒有最核突,只有更核突。大家睇到 狄志遠 嘅陽謀好清楚,就係想泛民啲提名飛喺道德光環嘅壓力下,全部俾晒梁國雄,當只有梁國雄同林鄭月娥嘅對決果陣,林鄭月娥係贏梗。當然,泛民啲支持者,唔會俾呢啲陽謀得逞,泛民支持者始終識搞清楚邊個係主要敵人,邊個係次要敵人。

狄志遠 嘅文章,當然影響唔到大局,只不過,呢次 狄志遠 嚟寫呢篇文,其實係嚟落注。 狄志遠 明顯買重林鄭月娥贏,一旦林鄭月娥上台,要任用類似馮煒光一類嘅仆街,作為招降納叛嘅例子果陣, 狄志遠 呢次仲唔至少有個副局長做吓。更何況,張炳良一定會退落嚟,而作為匯點系統嘅一員,林鄭月娥一定留番個位,而 狄志遠 要成為問責官員,例如成為教育局副局長,甚至局長,真係指日可待。 狄志遠 呢啲人投得共,佢地就一定會落注,呢個可謂劉江華、馮煒光一脈相承,無點例外。

馮煒光都係經過呢啲食相核突嘅日子,經常喺明報寫啲廢文,之後得到梁振英賞識。呢條泛民投共之路,其實大家係識睇。或者馮煒光可以得逞,但如果日後梁振英2.0繼續呢種用人政策,以為咁樣可以分化民主派,事實上,佢地只不過喺民主陣營裡面,挑選各式各樣嘅沙包俾政權用。 狄志遠 為咗一時榮華富貴,甘願出賣香港人做新沙包,呢啲人,只能用賤人嚟形容,並無其他更適合嘅形容。

發表迴響

你的電子郵件位址並不會被公開。 必要欄位標記為 *